“Синема Парк и Формула Кино” ситимҥэ — саха киинэтин бастакы бэстибээлэ

Балаҕан ыйын 21-27 күннэригэр “Синема Парк и Формула Кино” Арассыыйа бөдөҥ киинэ ситимигэр “САХА СИНЕМА” бырагыраама чэрчитинэн саха киинэтин бастакы бэстибээлэ буолуоҕа.

Москваҕа, Санкт Петербурга, Калининградка, Красноярскайга, Новосибирскайга, Сочига уонна Тюмеҥҥэ көрдөрүөхтэрэ. Бэстибээл Саха Өрөспүүбүлүкэтин Судаарыстыбаннаһын күнүгэр ананар уонна РФ Бэрэсидьиэнин иһинэн Саха сирин Бастайааннай Бэрэстэбиитэлистибэтин көмөтүнэн тэрилиннэ.

“Саха киинэтэ кэнники сылларга Арассыыйаҕа уонна норуоттар икки ардыларынааҕы таһымҥа киэҥник билиннэ. Саха сирэ – эрэгийиэннээҕи киинэ флагмана. “САХА СИНЕМА” култуура бэлиэ түгэнинэн буолуоҕа”, — диэтэ РФ Бэрэсидьиэнин  иһинэн Саха сирин бастайааннай бэрэстэбиитэлэ Андрей Федотов.

Киинэ бэстибээлин  “Синема Парк Метрополис” Москватааҕы киинэ тыйаатырыгар балаҕан ыйын 21 күнүгэр 17:00 чаастан арыйыахтара. Ыалдьыттары саха экспозицията, хаартыскаҕа түһэр зона, “Сила Сибири” хампаанньаттан тоҥ балык шоута, этно-ырыаһыт Марисабель күүтэллэр.

“Биһиги сыалбыт – саха киинэтин уратытын элбэх дьоҥҥо билиһиннэрии. “САХА СИНЕМА” киинэ кулуубун чэрчитинэн киинэ бэстибээлин ыытарга быһаарыммыппыт”, — диэтэ бырагыраама куратора Мария Верхотурова.

Киинэлэр:

Балаҕан ыйын 21 күнэ — “Подари мне цветы” (реж. Василий Слепцов)

Балаҕан ыйын 22 күнэ — “Не хороните меня без Ивана” (реж. Любовь Борисова)

Балаҕан ыйын 23 күнэ — “Диодорова. Против течения” (реж. Сандал Баишев)

Балаҕан ыйын 24 күнэ — “Там, где танцуют стерхи” (реж. Михаил Лукачевский)

Балаҕан ыйын 25 күнэ — “Алдан” (реж. Дмитрий Кольцов)

Балаҕан ыйын 26 күнэ — “Надо мною солнце не садится” (реж. Любовь Борисова)

Балаҕан ыйын 27 күнэ  — бэстибээл сабыллыытыгар киинэ.