Хаартыска: СИА
Өрөспүүбүлүкэҕэ бу күннэргэ аномальнай сылыйыы кэнниттэн салгын температурата биллэрдик намтыаҕа. Киин уонна Өлүөнэ өрүс уҥуоргу улуустарга түүҥҥү хаһыҥнар түһүөхтэрин сөп диэн күн-дьыл туругун туһунан Гидрометеосулууспа начаалынньыга Татьяна Маршалик кэпсээтэ.
«Бу нэдиэлэҕэ нуорма иһинэн салгын температуратыгар сыыйа төннүөхпүт. Ону тымныы күннэр туруохтара диэн этэр сыыһа. Бу иннинэ 8-10 хонук устата Саха сиригэр аномальнай сылыйыы бэлиэтэммитэ. Бэл, 2008 сылтан олохтоммут рекорду аһарбыта: салгын температурата нуорматтан быдан үрдүк этэ», — диэн бэлиэтиир Татьяна Маршалик.
Саха сирин арҕаа өттүгэр салгын температурата биллэрдик намтааһына саҕаланна. Красноярскай кыраай өттүттэн тымныы фронт сабыдыалыгар Ленскэй, Мииринэй уонна Бүлүү бөлөх улуустара охсуллаллар. Бу улуустарынан салгын температурата биллэрдик намтаата, ардах түһэрэ бэлиэтэнэр, сорох сирдэринэн этиҥнээх ардахтар. Сотору кэминэн сылаас салгын температурата төннүөҕэ.
«Ленскэйгэ уонна Өлүөхүмэҕэ куйаас күннэр туруохтара, оттон уһук илин арҕаа улуустарынан салгын температурата намтыаҕа. Киин улуустарынан саамай тымныы салгын маассата бэлиэтэнэр. Онон чугастааҕы үс сууккаҕа температура сыыйа намтааһына бэлиэтэниэҕэ», — диэтэ Татьяна Маршалик.
Бэс ыйын 5-6 күннэригэр киин, Өлүөнэр өрүс уҥуоргу уонна Уус Маайа улуустарыгар түүҥҥү салгын температурата 0 +5 С кыраадыска диэри хаһыҥныаҕа, сорох сиринэн -2С кыраадыска диэри тымныйыаҕа. Күнүһүн салгын температурата эмиэ 5 кыраадыс курдук намтыыр. Ол курдук, күнүс Саха сирин киин улуустарыгар +17+22С, Уус Маайаҕа +12..+17С кыраадыс буолуоҕа.
«+18+19 С кыраадыс – бу кэмҥэ ити нуорма. Ол эрээри, биллэн турар, ааспыт нэдиэлэҕэ аномальнай сылаас турбут күннэртэн лаппа намыһах. Өрөбүллэргэ салгын температурата эмиэ үрдээн барыаҕа», — диэн Татьяна Маршалик кэпсээтэ.
От ыйын 4-5 күннэригэр Нерюнгри оройуонугар 18-с төгүлүн ыытыллар Олоҥхо ыһыаҕа буолуоҕа. Ыалдьыттары от ыйын…
Ааспыт сууккаҕа Ленскэй оройуоҥҥа 3 га иэннээх ойуур баһаара көһүннэ. Бу туһунан брифинг кэмигэр СӨ…
Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт. Горнай улууһун Бэрдьигэстээх сэлиэнньэтигэр…
Арассыыйаҕа 2025 сыл от ыйын 1 күнүттэн хомунаалынай өҥө тарыыптарын үрдэтии былааннанар. Дойду бырабыыталыстыбатын дьаһалынан,…
Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ Павел Иванов от ыйын 1 күнүгэр, оптуорунньукка, СӨ Ил…
Дьокуускайга куоракка улахан бырааһынньыктар ыытыллар кэмигэр арыгыны атыылыыры хааччахтыырга этии киллэрдилэр, диэн «Эхо столицы» ТГ-ханаала…