Хаартыска: Ил Дархан, бырабыыталыстыба дьаһалтатын пресс-сулууспата.
Дьокускайга ахсынньы 22 күнүгэр Уһун Илиннээҕи сир баайын туһанааччылар бастакы пуорумнара буолан ааста. Манна Уһук Илин уокуругуттан 200-тэн тахса салайааччы уонна кылаабынай геологтар, эспиэрдэр кытыннылар.
Ил Дархан Айсен Николаев Арассыыйа Сир баайын туһаныыга федеральнай ааҕыныстыбатыгар бу пуоруму Дьокуускайга ыытарга быһаарбытын иһин махтанна.
— Баараҕай стратегическай соруктары олоххо киллэрии кэмэ кэллэ. Арассыыйа минеральнай-сырьевой базатын тэтимнээх сайдыыта Саха сириттэн саҕаланарыттан үөрэбит, күүстээх үлэҕэ бэлэммит. 2033 сылга диэри ыытыллыахтаах геологическай-чинчийэр үлэ эбийиэктэрэ тэрилиннилэр. Бу үлэҕэ уопсайа 143 миллиард солкуобай көрүллүөхтээх, — диэн кини эттэ.
Бэрэсидьиэн Саха сирин минеральнай-сырьевой база тэтимнээх сайдыытыгар пилотнай бырайыак оҥорор туһунан өрөспүүбүлүкэ көҕүлээһинин өйөөбүтэ, Уһук Илин уонна Сибиир баайын үөрэтэр геологическай чинчийиини ыытарга сорудахтаабыта. Геологическай-чинчийэр үлэ үбүлээһинэ «Геология: возрождение легенды» федеральнай бырайыак чэрчитинэн ыытыллыаҕа.
Саха сиригэр геологическай чинчийии түтүгүнэн, экэниэмикэҕэ дьайыыта улахан буоулоҕа. Аҥаардас нолуоктан 1 триллион солкуобай, инвестицияттан 2 триллион солкуобай киириэҕэ, 13 тыһыынча үлэ миэстэтэ тахсыаҕа.
Кэнники 5 сылга 9 саҥа гаастаах сир көһүннэ, ол уопсай саппааһа — 300 миллиард кубометр. Бырамыысыланнас тэтимнээх сайдыытынан өрөспүүбүлүкэ 56-с миэстэттэн 6-с миэстэҕэ таҕыста. Алмааһы, сурьманы хостооһуҥҥа Саха сирэ бастаан иһэр, кыһыл көмүһү, таас чоҕу хостооһуҥҥа 3 бастыҥ иһигэр, гааһы, ньиэби хостооһуҥҥа 5 бастыҥ иһигэр киирэр.
Ил Дархан, бырабыыталыстыба дьаһалтатын пресс-сулууспата.
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…
Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…
Ахсынньы 21 күнүгэр Саха сирин Тымныытын хаһаайына Чысхаан Москваҕа "Бастакы" ханаалга Саҥа дьыллааҕы “Поле чудес”…