Сир баайын хостуур тэрилтэ ууну киртитэн ыстарааптанна

Борокуратуура ирдэбилинэн бырамыысыланнай тэрилтэ ууну киртиппитин иһин улахан суумалаах ыстараабы төлүөҕэ.

Ол курдук, Алдан улууһун суута бырамыысалынай тэрилтэ ууну киртиппитин иһин 12,9 мөл. солк. суумалаах хоромньуну көрдүүр туһунан быһаарыы таһаарда.

Суут быһаарыытынан, 2020 сылга от ыйыгар бырамыысыланнай тэрилтэ хайа полигонуттан кирдээх ууну ыытан, Редэрга үрэх уутугар тимир уонна алтан нуорманы таһынан эттиктээх  киртитиини таһаарбыт. Инньэ гынан айылҕаҕа 12,9 мөл. солк. суумалаах улахан хоромньу оҥоһуллубут.

Алдан улууһун Борокуратууратын ирдэбилинэн, суут уонна уопсастыба өйөбүлүнэн, үрэх уутугар оҥоһуллубут хоромньу толору толуйуллуоҕа диэн СӨ Борокуратууратын пресс-сулууспата иһитиннэрэр. Суут уурааҕа күүһүгэр киирэ илик.