Күн астрономиятын лабораториятын пресс-сулууспата
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына намыһах. Ол да буоллар, Күҥҥэ эстиилэр тахсыылара үрдүк таһымҥа турар.
Арассыыйа Наукаларын академиятын Күн-Сир физикатын институтун Сибиирдээҕи салаатын Күн астрономиятын лабораториятын дааннайынан, ахсынньы иккис үлэ нэдиэлэтин саҕаланыытыгар Кр геомагнитнай индексэ 4 кэриҥэ бааллаах. Күн устата биэс баалга диэри тахсыан сөп. Оччоҕуна геомагнитнай хамсааһыннар G1 кылаастаах магнитнай буурҕаларга кубулуйуохтара.
Күн астрономиятын лабораторията ахсынньы 6 күнүгэр киэһэ М кылаастаах икки күн эстиитин бэлиэтээбитин туһунан иһитиннэрдэ. Иһитиннэриигэ этиллэринэн, Күн ортотугар баар 4299 уобаласка хас да күннээх уоскулаҥ кэнниттэн хос күүстээх эстии тахсыбыт. Бастакы эстии M1.1 кылааһынан сыаналаммыт, муҥутуур күүһэ Москва бириэмэтинэн 22:21 чааска бэлиэтэммит. Оттон иккис эстии M8.1 кылаастаах буолбут, Москва бириэмэтинэн 23:39 чааска тиийбит.
Санатан эттэххэ, Күҥҥэ эстиилэр рентген сардаҥаларын күүһүнэн биэс кылааска арахсаллар: A, B, C, M уонна X. Улахан эстиилэр кэннилэриттэн Күн плазмата быраҕыллыан сөп. Ол плазма биһиги планетабытыгар тиийдэҕинэ, Сиргэ магнитнай буурҕалары үөскэтэр.
Маннык күннэргэ сөптөөхтүк утуйуу, ууну иһии, кофеины уонна арыгыны аҕыйатыы туһалаах. Биологическай эбииликтэри (БАД), ионизатордары, магнитнай браслеттары туһаныы туһата суох — билим өттүнэн көдьүүстээхтэрэ бигэргэтиллибэтэҕэ. Өскөтүн ыарыы сибикилэрэ күүскэ биллэр буоллахтарына, ону күн-дьыл туругар балыйбакка, бырааска көрдөрүнэр ордук.
Үлэһиттэр үлэ күнүн олохтоммут эрэсиимин кэһэр буоллахтарына, чаастатык табахтыы тахсалларын иһин дисциплинарнай эппиэккэ тардыллыахтарын сөп…
Тохсунньу 21 күнүгэр сарсыарда 10 чаас 25 мүнүүтэҕэ Дьокуускай куорат баһаарынай-быыһыыр сулууспатыгар Марха түөлбэҕэ Советскай…
Амма улууһун Амма сэлиэнньэтигэр аныгы поликлиника аһылынна. Саҥа мэдиссиинэ киинэ биир симиэнэҕэ 200 сырыыны көрөргө…
Байыаннай дьайыыга барбыт инструктордар бөлөхтөрүгэр Саха сириттэн, Камчатка кыраайыттан, Волгоград, Мурманскай уонна Сахалин уобаластарыттан 25…
ИДьМ улууспатын Үөһээ Бүлүү оройуонун отделын дьуһуурунай чааһыгар кыбартыыраттан тэлэбиисэрин уорбуттарын туһунан олохтоох киһиттэн үҥсүү…
Айсен Николаев үөрэх эйгэтигэр оптимизация үөрэххэ охсуута суох ыытыллыахтаах диэтэ. Бу туһунан Саха сирин Ил…