Хаартыска: Александра Борисова тиксэриитэ.
Быйылгы сыл саҕаланыытыгар олунньуга Өймөкөөн улууһун баһылыга Александр Оконешников Өймөкөөн улууһугар тыа хаһаайыстыбатын боппуруостарыгар сыһыаннаах киэҥ ыҥырыылаах мунньаҕы ыыппыта.
Мунньах боротокуолун пууннарын олоххо киллэрии үлэтин чэрчитинэн муниципальнай баай-дуол управлениетын салайааччытын солбуйааччы Евгений Кривошапкин уонна улуустааҕы инфраструктура сайдыытын уонна тэрийии-правовой хааччыйыы сулууспатын салайааччытын солбуйааччы Александра Борисова соторутааҕыта нэһилиэктэринэн сылдьан, сир уонна баай-дуол боппуруостарыгар олохтоохторго сүбэлиир үлэни ыыттылар. Барыта 78 киһи сүбэ-ама ылла, докумуонун саҥарта.
— Сир-баай докумуоннарын тэрийии, толоруу уонна дуогабардары уһатыы туһунан элбэх ыйытыы киирдэ. Сир арендатын дуогабардара кэмигэр саҥардыллан иһиэхтээҕин бэлиэтиир тоҕоостоох. Олохтоохтор үксүлэрэ сир арендатын болдьоҕо бүппүт дуогабардаах буоланнар, олорор дьиэ уонна гараас докумуоннарын саҥардыы туһунан сүбэ-ама көрдүүллэр. Нэһилиэнньэ ортотугар саамай тарҕаммыт боппуруоһунан эрдэттэн тутулла турар эбийиэктэрин регистрациялааһын буолла. Федеральнай бас билиигэ баар сир учаастактарын регистрациялааһын боппуруоһа эмиэ сытыытык турар, — диэн инфраструктура сайдыытын уонна тэрийии-правовой хааччыйыы сулууспатын салайааччытын солбуйааччы Александра Борисова бэлиэтээтэ.
Улуус баһылыга Александр Оконешников исписэлиистэр нэһилиэнньэни кытта оробуочай көрсүһүүлэр үтүө өрүттэрин ыйан туран, “нэһилиэнньэ баҕа санаатыгар олоҕуран, инникитин да тустаах исписэлиистэри миэстэтигэр ыытан, маннык үлэни салгыы ыытыахпыт” диэн эттэ.
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…
Ахсынньы 19 күнүгэр «Үргэл» арт-галереяҕа Татыйаас Филиппова «Дойду» диэн ааттаах бастакы персональнай быыстапката аһыллыа. Саҥа…
Анал байыаннай дьайыыга сылдьар буойуннары өйүүр «Илии сылааһа» волонтердар бырайыактара сылын аайы ыытыллар «Уһук Илин…