Сирень талаҕы алдьатыы, быһан ылыы иһин ыстараап суумата үрдүк

Арассыыйаҕа сирень талаҕы быспыт, алдьаппыт буруйдаахтарга улахан суумалаах ыстараап көрүллэр. Суумата ботуччу — 500 тыһ.солк. Бу туһунан СМИ-лэр суруйаллар.

Ол курдук, куорат иһигэр пааркаҕа үүннэриллибит сирень талахтар куорат бас билиитигэр киирэллэр, онон алдьатыы, кэрдии, быһан ылыы иһин буруйдаахтарга улахан суумалаах ыстараап эбэтэр холуобунай эппиэтинэс көрүллэр. Аны туран оту-маһы соруйан туһата суохха быһан ылыыта дакаастаннаҕына буруйдаах 15 сууккаҕа диэри көҥүлэ быһыллар.

Санаттахха, киин куоракка Курашов аатынан уулуссаҕа Тыыл үлэһиттэрин искибиэригэр Улуу Кыайыы 75 сылыгар сирень 75 талахтарын олордубуттара. Оттон Саха сиригэр сирень Нам, Уус Алдан уонна Хаҥалас улуустарыгар үүнэр.