Сиргэ эмискэ күүстээх магнитнай буурҕа саҕаланна

Бөлүүн түүн Сиргэ Күн плазмата быраҕыллыбыта кэллэ, ол түмүгэр магнитнай буурҕалар саҕаланнылар. Бу туһунан РФ НА Космос чинчийиилэрин институтун Күн астрономиятын лабораториятын исписэлиистэрэ иһитиннэрдилэр. Плазма Күнтэн ахсынньы 8 күнүгэр арахсыбыта уонна билигин Сиргэ магнитнай хамсааһыннары таһаарар.

«Ахсынньы 7-8 күннэригэр Күнтэн арахсыбыт икки плазма былыттарыттан иккиһэ соһуччу Сиргэ кэллэ. Биир чаас анараа өттүгэр иккис былыт эмискэ Сир тула баар буолан, Сиргэ түстэ. Магнитнай буурҕалар саҕаланнылар», — диэн лаборатория ТГ-ханаалыгар суруйдулар.

Учуонайдар этэллэринэн, хамсааһын уһун болдьохтоох сабаҕалааһынын оҥорор кыаллыбат, тоҕо диэтэххэ магнитнай буурҕа соһуччу саҕаланна. Ол да буоллар,  лабораторияҕа бэлиэтииллэринэн, бүгүн үрдүк тамһынаах геомагнитнай хамсааһын кэтэһиллибэт, тоҕо диэтэххэ чинчийии көрдөрүүлэринэн Сири плазма былытын ордук хойуу чааһа буолбакка, кытыыта таарыйбыт.