Сиргэ сытар кумааһынньыга ылан, холуобунай дьыалаҕа «эриллибит»
11.02.2025, 14:42
Хаартыска: pxhere.com/ru
Бөлөххө киир:
Дьокуускай куорат полициятын 2-с нүөмэрдээх отделыгар харчылаах кумааһынньыгын сүтэрбит дьахтартан сайабылыанньа киирбит. Дьахтар кэпсээбитинэн, кумааһынньыга сүппүтүн маҕаһыыҥҥа тиийэн баран билбит.
Таһырдьа баар камераҕа көрбүттэрэ, дьахтар кумааһынньыгын уулуссаҕа маҕаһыын таһыгар түһэрбит эбит. Ону кимэ биллибэт дьахтар ылбыт.
Суһал-ирдиир үлэ кэмигэр биллибитэ, сиргэ сытар кумааһынньыгы 50 саастаах куорат олохтооҕо ылбыта быһаарыллыбыт.
Уорбаланааччы кэпсээбитинэн, кини кумааһынньыгы бырахпыт уонна иһигэр баар 14 тыһ. солк. храмҥа биэрбит.
Билигин уорбаланааччыга РФ Холуобунай кодексын 158 ыст. 3 чааһынан холуобунай дьыала көбүтүллүбүт.
+1
+1
2
+1
+1
+1
8
+1
1
+1
1
Сообщить об опечатке
Текст, который будет отправлен нашим редакторам: