Ситэриилээх былаас кэлэр сыллааҕы отчуотугар бэлэмнэнэни саҕаланна

СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов бүгүн Үөһээ Бүлүү уонна Чурапчы улуустарын баһылыктарын, ону тэҥэ тустаах министиэристибэлэр салайааччыларын кытта көрүстэ.

Мунньах сүрүн тиэмэтинэн кэлэр сылга нэһилиэнньэҕэ бырабыыталыстыба сыллааҕы отчуотугар бэлэмнэнии буолла. Өрүттэр отчуоттарга киирбит боппуруостары көдьүүстээхтик быһаарарга ылыллыбыт миэрэлэр, ону тэҥэ миэстэтигэр ыытыллыбыт үлэ түмүктэрин дьүүллэстилэр.

Үөһээ Бүлүү улууһун баһылыга Валерий Николаев иһитиннэрбитинэн, ситэриилээх былаас отчуотун түмүгүнэн оҥоһуллубут боротокуолга судаарыстыбаннай былаас уонна олохтоох салайыныы ситэриилээх уорганнарыгар аадырыстаммыт 141 пуун киирбит.

Чурапчы улууһун баһылыга Степан Саргыдаев 89 боппуруос киирбититтэн ханнык түмүк ситиһиллибитин иһитиннэрдэ.

Сүбэ мунньахха ситэриилээх былаас отчуотугар бэлэмнэнэн, үлэ көдьүүһүн үрдэтэр соруктары торумнаатылар. Бырабыыталыстыба сыллааҕы отчуотугар бэлэмнэнии  мунньаҕын туһунан сиһилии https://www.sakha.gov.ru/news/front/view/id/3476472 сигэҕэ киирэн билсиҥ.