Ситэриилээх былаас отчуота Абый улууһугар тиийдэ

Бүгүн, олунньу 17 күнүттэн, ситэриилээх былаас отчуотун ыытар СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайар бөлөҕө Абый улууһугар үлэлиир.

Бырабыыталыстыба оробуочай дэлэгээссийэтэ улуус бары нэһилиэктэрин хабан, эбийиэктэринэн сылдьан, олоҕу-дьаһаҕы, кыһалҕаларын кытта билсиэҕэ, олохтоохтору кытта көрсүөҕэ, санааларын истиэҕэ. Бырабыыталыстыба түмүктүүр отчуота улуус киинигэр  Белая Гора бөһүөлэгэр олунньу 20 күнүгэр буолуоҕа. Олунньу 21 күнүгэр улуус дьаһалтатыгар бырабыыталыстыба дэлэгээссийэтэ уопсастыбаннаһы кытта көрсүһүөҕэ.

Саха сирин ситэриилээх былааһын уорганнарын отчуота кулун тутарга диэри ыытыллар. Бары улуустарга сырыы кэнниттэн түмүк тэрээһин «Саха» НКИХ ханаалларыгар көстүөҕэ.