Ситэриилээх былаас отчуота: «Эргиллэ туруом эйиэхэ, Өймөкөөн!»

Ситэриилээх былаас отчуотугар министиэристибэлэр уонна биэдэмэстибэлэр салайааччыларын ортотугар араас дэгиттэр талааннаах дьон үгүс.

Өймөкөөн улууһугар Тырааныспар уонна суол хаһаайыстыбатын миниистирэ Владимир Сивцев салайар бөлөҕүн састаабыгар СӨ Үөрэхтээһин сайдыытын ресурснай судаарыстыбаннай казеннай  тэрилтэтин  салайааччыта Руслан Платонов сырытта.

Руслан Михайлович өрөспүүбүлүкэҕэ аатырбыт айар куттаах ырыаһыт, мелодист быһыытынан биллэр. Кини хас биирдии нэһилиэккэ былаас отчуотун бэйэтин  «Эргиллэ туруом, Өймөкөөн!» ырыатынан  түмүктээн, Тымныы полюһун дьонун-сэргэтин махталын ылла.

2021 сыллаахха оҥоһуллан тахсыбыт килиип Өймөкөөҥҥө сылдьыбыт дьон кутун тутуон тутта. Хас биирдии киһи «Эргиллэ туруом эйиэхэ, Өймөкөөн!» диэн этэн туран, хайаан да саас, сайын, кыһын, күһүн кэлэ турар. Оннук алыптаах кэрэ дойду – Өймөкөөн!