Үгүс министиэристибэ салайааччыта уларыйбата

Ил Дархан Айсен Николаев бүгүн, алтынньы 4 күнүгэр, министиэристибэлэр салайааччыларын анаан, тустаах ыйаахтары таһаарда.

Ол курдук, Владимир Сивцев тырааныспар уонна суол хаһаайыстыбатын, Леонид Спиридонов успуорт уонна физическэй култуура, Максим Терещенко бырамыысыланнас уонна геология, Тимур Ханды урбаан, эргиэн уонна туризм, Петр Шамаев ыччат дьыалаларыгар уонна социальнай коммуникацияларга, Владимир Черноградскай Арктика сайдыытын уонна хотугу норуоттар дьыалаларын миниистирдэринэн салгыы үлэлиэхтэрэ.