Хаартыска: СӨ бырабыыталыстыбатын, Ил Дархан пресс-сулууспата.
Бырабыыталыстыба бэрэссэдээтэлин солбуйааччы Ольга Балабкина “Сколково” пуонда инновацияҕа вице-бэрэсидьиэнэ Кирилл Каемы кытта көрүстэ. Кинилэр мэдиссиинэ өттүнэн чөлүгэр түһэриигэ саҥа саҥалыыр бырайыактар тустарынан кэпсэттилэр.
— Ил Дархан Айсен Николаев сорудаҕынан, байыаннай дьайыы кыттыылаахтарын доруобуйаларын чөлүгэр түһэрии инники күөҥҥэ турар. Доруобуйа харыстабылыгар сүрүн болҕомто оскуолактан бааһырбыт уонна илиилэрэ-атахтара быһыллыбыт байыаннай сулууспалаахтарга ууруллар. Бу маннык соруктары толорорго биһиги инновационнай технологиялары – “Сколково” пуонда бырайыактарын туһанарга интэриэстээхпит. Ону тэҥэ, “ковид” ыарыы кэннэ чөлгө түһэрии туһунан бырайыактары эмиэ көрүөхпүт, — диэн Ольга Балабкина эттэ.
Кирилл Каем Саха сирэ уонна “Сколково” уруккуттан бииргэ үлэлэһэллэрин ыйда. “Сколково” бастакы бырайыактара 2011 сыллаахха баар буолбуттара, эһиилигэр Саха сирэ бииргэ үлэлэһэргэ сөбүлэһии түһэрсибитэ.
Вице-бэрэсидьиэн “Сколково” байыаннай дьайыы кыттыылаахтарын доруобуйаларын чөлүгэр түһэриигэ хас да бырайыагы үлэлэтиэхпитин сөп диэн эттэ. Онон аныгыскы сырыыга “Сколково” бэрэстэбиитэллэрэ кэлэн, мэдиссиинэ тэрилтэлэрин уонна доруобуйа харыстабылын министиэристибэтин сүрүн реабилитологын кытта көрсөн, үлэ-хамнас туһунан быһаарсыахтара.
Бу күннэргэ Дьокуускайга Startup Tour CreativeTECH-2023 ыытылла турар, маны «Сколково» пуонда тэрийэр.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…