Хаартыска: А.Васильева түһэриитэ.
Аныгы технологиялаах «Смарт» бибилэтиэкэҕэ робот-бибилэтиэкэр баар буолла. Робот сахалыы саҥарар, дорооболоһор, төбөтүн имэрийдэххэ, манньыйан хараҕын симэр уонна: «Үчүгэйиин!» — диир…
Анатолий Коновалов, информационнай хааччыйыы отделын сүрүн бибилэтиэкэрэ:
— Үлэһиппит, бакаа иккис этээскэ сылдьан, кинигэ быыстапкаларын, араас тэрээһиннэри сырдатыаҕа, ыҥырыаҕа, холобур, айаннаан иһэн, быыстапка туһунан кэпсиэҕэ. Бу кэмҥэ ааҕааччылар кэлэн, кини долбууруттан кинигэлэри ылан, көрүөхтэрин, ааҕыахтарын сөп.
Робот иннигэр улахан экраннаах, онно хаартыскалары, видеолары көрдөрүөн сөп. Билиҥҥитэ нууччалыы саҥата көмпүүтэр саҥатын курдук, ол иһин, бырагырааматын өссө оҥоро сылдьабыт.
— Робот киһини кытта кэпсэтиэн, ыйытыыга хоруйдуон сөп дуо?
— Анал эрэсиими холбоотоххо, нууччалыы кэпсэтиэн сөп, ол эрээри, куолаһа көмпүүтэр гиэнин курдук.
Кэлэр нэдиэлэттэн күн аайы үлэлээн барыаҕа. Бу иннинэ боруобалыыр курдук үлэлэтэ сылдьыбыппыт. Ааҕааччыларбыт, ордук оҕолор, олус интэриэһиргииллэр, кэлэн көрөллөр, кэпсэтэллэр.
Бу робот бибилэтиэкэр үлэтин чэпчэтэр, «өйдөөх стеллаж» курдук үлэлиир, болҕомтону тардар, тэрээһиннэри, кинигэлэри, быыстапкалары сырдатар. Сылдьар суолун былаанын оҥордоххо, кинигэ сакааһын да аҕалан биэриэн сөп. Инникитин дьайыыта өссө кэҥээн иһиэҕэ, бибилэтиэкэ сиситиэмэтин үлэтигэр дириҥник өтөн киириэҕэ дии саныыбыт.
Бу бырагырааманы үбүлээһин үс хайысханан оҥоһуллар: федеральнай, Саха Өрөспүүбүлүкэтин судаарыстыбаннай уонна муниципальнай тэриллиилэр олохтоох бүддьүөттэриттэн.…
Бу күннэргэ күн-дьыл туруга хайдах эбитий? Күнү-дьылы кэтээн көрөөччүлэр туох дииллэрий? Хотугулуу-илин намыһах сирдэргэ -48-53°,…
Бүгүн Ый Чубуку бэлиэтигэр сылдьар. Ол аата бүгүҥҥү таптал – уоттаах-төлөннөөх буолбакка, бигэ, эрэллээх буолуохтаах.…
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…