“Смарт” бибилэтиэкэҕэ — сайыны көрсүү бырааһынньыга

Дьокуускай куорат бибилэтиэкэлэрин кииннэммит ситимэ ыам ыйын 20 күнүгэр «Сайылык-фест» диэн сайыны көрсүү бырааһынньыгын тэрийэр.

Бэстибээлгэ алгыс, ыраастаныы сиэрэ-туома, аһымал дьаарбаҥка, кэнсиэр, маастар-кылаастар, миэлинэн уруһуйдааһын, сахалыы остуол оонньуулара, кинигэ быыстапката, сүүйтэриитэ суох лотерея, ааҕааччы билиэтинэн бириистээх лотерея, о.д.а. буолуохтара.

Онон манна кэлэн, кыра оҕотуттан саҕалаан, кырдьаҕаһыгар тиийэ дьарык булуохха сөп. Ону тэҥэ, сааһырбыт дьон сиэннэригэр сахалыы үгэһи, сиэри-туому көрдөрүөхтэрин сөп.

Дьаарбаҥкаттан киирбит үп-харчы “Победа” аһымал пуондаҕа бэриллиэҕэ.

“Сайылык-фест» 203-с түөлбэҕэ таһырдьа, өрүс кытылын үрдүгэр, Н.Д. Неустроев аатынан “Смарт” бибилэтиэкэ тиэргэнигэр ыам ыйын 20 күнүгэр күнүс 12 чаастан 5 чааска диэри ыытыллар.