Андрей Сорокин хаартыската
Тутуу 6 этээстээх, 8856 кв.м. иэннээх – манна улахан дьон уонна оҕо поликлиникалара, дьахтар консультацията тус-туспа ааннаах буолуохтара. Симиэнэҕэ 600 киһини көрүөхтэрин сөп. Диагностическай, терапевтическэй отделениелар, килиньиичэскэй-диагностическай лаборатория, сардаҥанан эмтиир отделение, суһал көмө кэбиниэтэ, күнүскү стационар уонна колл-киин үлэлиэхтэрэ.
«Судаарыстыбаннай-чааһынай бииргэ үлэлэһии бырайыагар олоҕуран балыыһа саҥа дьиэтэ тутулла турар. Үлэ былаан быһыытынан ыытыллар. Мэдиссиинискэй тэрил барыта атыылаһылынна, сотору таҥыы үлэтэ саҕаланыаҕа. Бу сайын куорат доруобуйатын харыстабылын ситимэ өссө саҥа эбийиэктэниэ диэн эрэллээхпит», — диэтэ Айсен Николаев.
«ВИС» бөлөх территориальнай управлениетын Дьокуускайга бэрэстэбиитэлэ Андрей Суслов иһитиннэрбитинэн, тутуу 65% бэлэм.
«Билигин үлэ эбийиэк ис өттүгэр ыытыллар. Былырыын сэтинньигэ ититии бэриллибитэ», — диэн эбэн эттэ.
Саҥа поликлиника Дьокуускай куоракка биир улахан мэдиссиинэ киинин быһыытынан үлэлиэҕэ. Аныгы мэдиссиинэ тэриллэринэн: магнитнай-резонанснай томографтарынан, сыыппаранан үлэлиир УЗИ систиэмэлэринэн, рентген, эндоскопическай, маммографическай, флюрографическай тэриллэринэн хааччыллыаҕа.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…