«Рики» хампаанньа таһаарар “Смешариктара” сахалар тустарынан мультик сериятын уһуллулар. Манна саха култууратын, үгэстэрин, уратыларын туһунан кэпсэнэр. “Балаган” серия “Азбука дружбы народов со Смешариками” цикл чэрчитинэн, бэрэсидьиэн култуурунай көҕүлээһиннэрин пуондатын өйөбүлүнэн таҕыста. Номнуо «ютуб» ханаалларыгар киирэн көрүөххэ сөп.
Бу мультиктар кырачаан оҕолору, оскуола алын кылааһын үөрэнээччилэрин ханнык омуктар баалларын, кинилэр олохторун-дьаһахтарын, култуураларын билиһиннэрэр, кэпсиир, билиилэрин-көрүүлэрин кэҥэтэр сыаллаах-соруктаах.
Бу серияҕа бэркэ билэр дьоруойдарбыт — Нюша, Бараш, Кар Карыч оҕо өйдүүрүн курдук судургутук балаҕан диэн тугун, тоҕо муус түннүктээҕин, буор үрүттээҕин, туой сыбахтааҕын, тоһоҕото суох тутулларын, олоҥхо диэн тугун, 3 күннээх түүн толорулларын кэпсииллэр.
Мультикка «Кыыс Урсун» олоҥхо иһиллэр, хомус тыаһыыр, Саха сирин каартата, гербэтэ көстөр.
Бэртээхэй! Бу курдук саха култуурата кэҥээн, кырачааннартан саҕалаан билиһиннэрэн, тарҕанан истин. Оҕолоргутугар эмиэ көрдөрүҥ, кинилэр буоллахтара, дьиҥнээх сыанабылы биэрэр дьон. Сөбүлүүр дьоруойдара сахалыы саҥараллара кинилэргэ интэриэһинэй буолуо. Бэйэ омугун уратытынан, култууратынан киэн туттууну саҕар.
Саха сиригэр от ыйын 1 күнүттэн 2025-2026 сс. бултааһын сезонугар саамай тарҕаммыт бултка - көтөрү…
Байыаннай дьайыыга сылдьар хоһуун санаалаах хорсун ыччаттарга Кэбээйи улууһун Куокуй нэһилиэгэр "Надежда" иис түмсүүтэ тиһигин…
От ыйын 8 күнүгэр -- Дьиэ кэргэн күнүгэр Саха сириттэн Архангельскай, Магадаан уобаластарыттан эдэр пааралар…
Арассыыйа үрдүнэн мэдиссиинэ эйгэтигэр каадыр тиийбэтин кыһалҕата күүскэ бэлиэтэнэр. Бу боппуруоһу быһаарар биир ньыманан биэнсийэҕэ…
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…