“Смотри, это Россия!” Бүтүн Арассыыйатааҕы куонкуруска 72 эрэгийиэнтэн сайаапка киирбит

“Смотри, это Россия!” Бүтүн Арассыыйатааҕы куонкуруска 72 эрэгийиэнтэн 460 сайаапка киирбит. Куонкурус бэһис сезонугар видеороликтары сэтинньи 24 күнүгэр диэри ылыахтара.

Сайаапкалары биэриигэ бастыҥ эрэгийиэннэр: Саха Өрөспүүбүлүкэтэ –52, Крым Өрөспүүбүлүкэтэ – 34, Кемеровскай уобалас –23, Ростовскай уобалас – 22, Иркутскай уобалас – 20, Ханты-Мансийскай автономнай уокурук – Югра – 20.

Куонкурус бэһис сезона Аҕа дойду Улуу сэриитигэр кыайыы 80 сылыгар ананна. Кыттааччылар 3 мүнүүтэттэн ордуга суох уһуннаах видеоролигы уһулуохтаахтар уонна RUTUBE видеопорталга киллэриэхтээхтэр. Кыттааччылар онно хос эбээлэрин, хос эһээлэрин кыайыыга кылааттарын, ханнык мэтээллэринэн наҕараадаламмыттарын, кинилэр хорсун быһыыларын туһунан кэпсиэхтээхтэр.

Куонкурус түмүгүн ахсынньы 20 күнүгэр таһаарыахтара.

Бу куонкурус 2020 сыллаахха өрөспүүбүлүкэ Ил Дарханын Айсен Николаев өйөбүлүнэн оҕо хамсааһынын актыбыыстарын көҕүлээһининэн тэриллибитэ.

Куонкурус туһунан бу саайтынан көрүҥ: https://lookitsrussia.ru

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата