Салгыы
 «Смотри, это Россия!» куонкурус – Рунет бириэмийэтин кыайыылааҕа

 «Смотри, это Россия!» куонкурус – Рунет бириэмийэтин кыайыылааҕа

19.12.2023, 11:14
Хаартыска; Ил Дархан пресс-сулууспата
Бөлөххө киир:

Бу нэдиэлэҕэ   “Премия Рунета-2023” национальнай наҕарааданы туттарыы үөрүүлээх сиэрэ-туома ыытылынна.

Видео-аккырыыккалары атастаһыыга “Смотри, это Россия”  Бүтүн Арассыыйатааҕы үөрэнээччилэр куонкурустара  “Детский Рунет” номинацияҕа анал наҕарааданан бэлиэтэннэ.  Бырайыак эспиэрдэр үрдүк сыанабылларын, онтон сүрүнэ – кыттыбыт оҕолор кэрэхсэбиллэрин ылла.

“Смотри, это Россия!” бырайыак аудиторията сылтан сыл аайы элбээн иһэр. Онон биһиги тэрийэр кэмитиэт чилиэннэрин кытары тэрээһин оҕолору кэрэхсэтэр көрүҥүн булбуппутуттан үөрэбит. Биһиги кинилэр киэн туттар төрөөбүт дойдуларын уонна онно олорор дьон туһунан  дьикти чахчылары кэпсиир баҕалаахтарын биллибит. Бырайыак көмөтүнэн оҕолорго дойду устуоруйатын, култууратын уонна үгэстэрин үөрэтии  өссө чэпчэки уонна интэриэһинэй  буолбута үөрдэр. Бу – куонкурус сүрүн соруктарыттан биирдэстэрэ. Куонкурус оҕолор атын эрэгийиэннэртэн саҥа доҕоттору булалларыгар аналлаах. Ол курдук, быйыл хас да хамаанда  Арассыыйа саҥа эрэгийиэннэригэр баар доҕотторугар бэлэхтэри ыытта. Онон, бу куонкурус чахчы  норуодунай буолбутун көрдөрөр”, — диэн Ил Дархан Айсен Николаев бэлиэтээн эттэ.

Кыайыылаахтар сотору куонкурус сүрүн бириистэрин – смартфоннары тутуохтара. Оҕолорго бэлэхтэри атыылаһарга  “Саха сирин тимир суоллара” АУо уонна ““Якутия” венчурнай хампаанньа” АУо көмөлөстүлэр.  Хампаанньалар салайааччылара  “Смотри, это Россия!” патриотическай куонкурус  дойду оҕолоро  саҥа ситиһиилэнэллэригэр, билэр-көрөр баҕаларын сайыннаралларыгар көмөлөһөрүн бэлиэтииллэр.

Санатан эттэххэ, “Смотри, это Россия” куонкурус 2020 сыллаахха  “Юные якутяне” уопсастыбаннай хамсааһын көҕүлээһининэн саҕаламмыта уонна  Арассыыйа олохтоохторугар кэрэхсэппит. Куонкурус сүрүн көрүҥэ  – Арассыыйа араас омуктара доҕордоһууларын уонна  биир сомоҕолорун  көрдөрөр “эҕэрдэни” бэйэ-бэйэҕэ ыытыһыы.

Быйыл “Моя Родина. Моя История”   тиэмэҕэ бэйэтин үлэтин  РФ 89 эрэгийиэниттэн 33125 оҕо уонна уһуйааччы ыытта.  Ахсынньы 17 күнүгэр  быйылгы бастыҥ үлэлэри талыы түмүктэннэ. Ахсынньы 21 күнүгэр быһа эпииргэ кыайыылаахтары быһаарар тэрээһин буолуоҕа. Оҕолору Ил Дархан Айсен Николаев эҕэрдэлиэҕэ.

СӨ Ил Дарханын уонна бырабыыталыстыбатын пресс-сулууспатын матырыйаалынан

+1
1
+1
1
+1
0
+1
0
+1
0
+1
0
+1
0
Бары сонуннар
Салгыы
16 апреля
  • 4°C
  • Ощущается: 2°Влажность: 28% Скорость ветра: 2 м/с

Сообщить об опечатке

Текст, который будет отправлен нашим редакторам: