2025 сылга «Буойун» киин үөрэтэр бырагырааматыгар снайпинг диэн кууруһу киллэрдэ.
Куурус Арассыыйаҕа бойобуой снайпинг Федерациятын кытта оҥоһуллубут. Бу кууруһу дойду үрдүнэн «Время юных героев» диэн идэҕэ туһаайар сайыҥҥы симиэнэҕэ эрдэҕэс саастаах оҕолор дьарыктаналлар. Кинилэри уопуттаах инструктордар үөрэтэллэр.
«Буойун» киин ситимнээхтик байыаннай бэлэмнэниини сөргүтэр. Снайпинг кууруһа — сатабыл буолар. Маннык бырагыраамалар патриотическай иитиигэ туһаайыллаллар. Снайпины биир бастакынан камчатка курсааннара үөрэнэн саҕалаабыттара. Кинилэр уһуйааччылара, инструктор-методист Алексей Чаленко иһитиннэрбитинэн, үчүгэй снайпер математиканы уонна алгебраны биэс тарбаҕын курдук билиэхтээх үһү.
««Буойун» киин бастакы байыаннай бэлэмнэниини систиэмэлээхтик сөргүтэр. Маннык бырагыраамалар Аҕа дойду көмүскээччилэрин саҥа көлүөнэтин патриотическай иитиигэ олугу уураллар. Үөрэҕи дьиҥнээх бойобуой уопуттаах инструктордар, ол иһигэр Анал байыаннай дьайыы кыттыылаахтара ыыталлара суолталаах. Кинилэри бэлэмнээһиҥҥэ анал байыаннай дьайыы кэмигэр үрдүк көрдөрүүлэри ситиспит Чуумпу акыйаан флотун 155-с туспа гвардейскай муора пехотатын биригээдэтин снайпердара кыттыбыттара», – диэн РФ Бырабыыталыстыбатын Бэрэссэдээтэлин солбуйааччыта – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, «Буойун» киин Кэтээн көрөр сэбиэтин бэрэссэдээтэлэ Юрий Трутнев эттэ.
«Куурус оҕолорго суолталаах уопуту биэрэр, ол иһигэр аармыйа сулууспатыгар бэлэмниир. Ону таһынан сэби-сэбиргэли куттала суохтук туттарга, ытыыны толоруу култууратыгар үөрэтэр. Бу олус туһалаах. Практикаттан ураты, оҕолор уустук теоретическай бэлэмнэниини ааһаллар, араас кээмэйдэринэн математическай ааҕыылары оҥороллор, онуоха итини тутатына кэриэтэ оҥоруохха наада. Онон снайпер бастатан туран туйгун математик буолуохтаах», – диэн кини бэлиэтээтэ. Бастыҥ ытааччылар смената ураты снайперскай этэрээтигэр киирэллэр.
«Кыталык» судаарыстыбаннай эркээйи сиргэ орнитологтар кубалаах хаас дьикти сыһыаннаһыыларын туоһулара буоллулар. Мария Владимирцева уонна Айгуль…
Арассыыйаҕа арыгы атыыланар сааһын 18-тан 21-гэр диэри түһүмэхтэринэн үрдэтэргэ этии киллэрдилэр. Бу ситэр-хотор саастаах 11-с…
Үбүлүөйдээх Илиҥҥи экэнэмиичэскэй пуорумҥа 36 дойду бэрэстэбиитэллэрэ кытталларын бигэргэттилэр. Пуорум 6 тыһыынча кэриҥэ кыттааччыны түмүөҕэ…
Бу нэдиэлэҕэ 1-кы Ыспааһап ардах түһэр кэмэ буолан, сэрэдэҕэ уонна чэппиэргэ ардыаҕа. Салгыы бу күннэргэ…
Кэбээйи улууһун борокуратууратын ирдэбилинэн сир учаастагын арендаламмыт сокуоннайа суох дуогабар тохтотулунна. Бу туһунан СӨ Борокуратууратын…
Быйыл сайын ардахтаах буолан, оттооһун хаамыыта бытаарбыта. Соторутааҕыта Ил Дархан Айсен Николаев туруоруллубут соругу ситиһэргэ…