«Снежный барс» түмүктүүр түһүмэҕэ Чурапчыга буолуоҕа
24.01.2023, 11:15
Бөлөххө киир:
Куорат уокуруктарыгар уонна улуустарга «Снежный барс» байыаннай-спортивнай оонньуу муниципальнай түһүмэхтэрэ тохсунньу-олунньу ыйдарга ыытыллаллар.
Оонньуу түмүктүүр түһүмэҕэ Чурапчы сэлиэнньэтигэр кулун тутар 29 — 31 күннэригэр ыытыллыаҕа. Быйылгы эдэр патриоттар оонньуулара байыаннай дьайыыга кытта сылдьар «Боотур» этэрээккэ ананыаҕа.
Күрэхтэһиигэ оскуола уонна профессиональнай, эбии үөрэхтээһин тэрилтэлэрин, байыаннай-патриотическай кулууптар, юнармейскай этэрээттэр хамаандалара кытталлар.
Бырагыраамаҕа Аҕа дойду устуоруйатыгар тургутуу, хамаанданы билиһиннэрии, ырыа, стройунан хаамыы уонна да атын көрүҥнэр киирдилэр.
«Снежного барс» оонньуу кыайыылааҕа өрөспүүбүлүкэ чиэһин көмүскүү Москва куоракка барыаҕа.
Хаартыска https://sakha.gov.ru/news/front/view/id/3342076
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: