СНИЛС нүөмэрин этэн, түөкүттэргэ киирэн биэрбит…
11.03.2025, 17:32
Хаартыска: Социальнай пуонда.
Бөлөххө киир:
Дьокуускай куорат полициятын 2 нүөмэрдээх отделыгар түөкүттэртэн эмсэҕэлээбит 79 саастаах олохтоох дьахтартан сайабылыанньа киирбит.
Кини кэпсээбитинэн, мессенджер нөҥүө мобильнай сибээс операторын үлэһитэбин диэн билбэт киһитэ эрийэн, сим-каартатын болдьоҕо бүтэн эрэрин сэрэппит. Болдьоҕун уһатар сыалтан, СНИЛС нүөмэрин этэригэр көрдөспүт. Дьахтар тута итэҕэйэн, докумуонун нүөмэрин эппит. Ол кэннэ, аны баан үлэһитэбин диэн эрийэннэр, дьахтар үбүн-харчытын уордарыан сөбүн туһунан сэрэппиттэр. Биэнсийэлээх дьахтар куттанан, түөкүн эппит сыһыарыытын хачайдаабыт уонна тус счетуттан харчытын устан баран банкомакка тиийэн түөкүттэр биэрбит счеттарыгар ыыппыт. Инньэ гынан дьахтар 3 мөл. солк. уурдарыытын уордарбыт.
Аны 35 саастаах Дьокуускай куорат олохтооҕор «Госуслуги» порталга тус кэбиниэтигэр атын дьон киирбиттэрин туһунан иһитиннэрии кэлбит. Кини ыксаан ыйыллыбыт нүөмэргэ эрийбит. Онуоха Киин баан үлэһитэбин диэн билбэт киһитэ кэпсэппит уонна түөкүттэр дьахтар аатыгар кирэдьиит уонна сойуом ыла сатыылларын иһитиннэрбит. Дьахтар итэҕэйэн түөкүттэр эппит куттала суох счеттарыгар харчытын ыыппыт. Онон 293 тыһ. солк. маппыт.
Сообщить об опечатке
Текст, который будет отправлен нашим редакторам: