Хаартыска: СӨ бырабыыталыстыбатын, Ил Дархан пресс-сулууспата.
Сэтинньи 4 күнүгэр Арассыыйаҕа Сомоҕолоһуу күнэ бэлиэтэнэр күнүгэр Москваҕа, ВДНХ павильоннарыгар “Арассыыйа” быыстапка-пуорум тэриллиэҕэ.
Бу туһунан Арассыыйа Бэрэсидьиэнигэр Саха сирин бастайааннай бэрэстэбиитэлэ Андрей Федотов маннык эттэ:
—Бу быыстапка дойдубутугар даҕаны, тас дойдуларга даҕаны, тэҥнэбилэ суох сүүнэ тэрээһин. Дойдуну бүтүннүү көрдөрөр туһугар Арассыыйа бары эрэгийиэннэрэ 75 павильон иһинэн бэйэлэрин көрдөрөр экспозициялары тутан түмүктээн эрэллэр. Ону таһынан министиэристибэлэр, «Росатом», «Роснефть», «Сбербанк», «Яндекс», «ВК» курдук судаарыстыбаннай корпорациялар туспа павильон туттан бэйэлэрин көрдөрүөхтэрэ.
Бу быыстапка бэйэбитигэр уонна аан дойдуга Арассыыйа бүгүҥҥү күннээҕи туругун көрдөрөр сыаллаах. “Билигин биһиги өтөрүнэн буолбатах устуоруйа түгэнигэр олоробут, биһиги эмискэччи улуу держава гражданнара буоларбытын өйдөөтүбүт. Кэнники сылларга Арассыыйа туох кыахтааҕын аан дойдуга көрдөрдө. Аҕа саастаахтар дойду хайдах курдук ыһыллыан сөбүн 90-с сылларга көрбүттэрэ. Ол кэмнэргэ дойду Арктиканы быраҕан кэбиспит курдуга. Бүгүн Арассыыйа Бэрэсидьиэнэ Владимир Путин Арктиканы уонна Уһук Илини сайыннарыыга ылыммыт стратегическай былаана олоххо киирэрин илэ көрөбүт”, — диэн бэлиэтээн эттэ Андрей Федотов.
Биһиги өрөспүүбүлүкэбит павильонугар Саха сирэ киэн туттар ситиһиилэрин барытын түмэн көрдөрүөхтэрэ. Саха сирин бастайааннай бэрэстэбиитэлэ Андрей Федотов дойдубут киин куоратыгар сэтинньиттэн ыалдьыттыы тиийэр биир дойдулаахтарбыт биир-икки чаас аттаран бу быыстапканы хайаан да көрөллөрүгэр ыҥырда. Быыстапка кэлэр сыл муус устар 12 күнүгэр (Космонавтика күнүгэр) диэри ыытыллар.
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…