Социальнай архитектордар куонкурустарыгар 5 тыһыынча кэриҥэ сайаапка киирдэ

Социальнай архитектордар куонкурустара РФ Бэрэсидьиэнэ Владимир Путин сорудаҕынан ыытыллар. Социальнай суолталаах бырайыактары олоххо киллэриигэ, ону тэҥэ олору олоххо киллэрэр дьону быһаарарга аналлаах.

Билиҥҥитэ кыттааччылары регистрациялааһын бара турар. 5 тыһыынчаттан тахса киһи регистрацияламмы.  Быйылгы сыл бастакы үс ыйыгар куонкуруска сүүмэрдиир түһүмэх ыытыллыаҕа. Кыттааччылар бастаан кэлим тургутугу, ону тэҥэ бэйэлэрин туһунан анкетаны толоруохтара.

Бастакы түһүмэххэ бастыҥ көрдөрүүлээх кыттааччылар иккис кыбаарталга финалга көрсүөхтэрэ. Кинилэр онно «Сенеж» салайыы мастарыскыайын баазатыгар Бэрэсидьиэн академиятынан олоххо киирэр анал үөрэх бырагырааматыгар киирсэр хонтуруолунай тургутугу ааһыахтара.

«Биһиги дьоҥҥо социальнай архитектура тугун туһунан кэпсиибит. Бу саҥа бырайыагы өйдүүргэ, ылынарга сорох дьоҥҥо  бириэмэ наада.  Барытын биллилэр даҕаны, саайтка регистрацияланан сайаапка түһэрэллэр», —   диэн «ЭИСИ» АНО салайар дириэктэрэ  Фирдус Алиев кэпсээтэ.

Куонкуруска араас идэлээх исписэлиистэр – тэрийээччилэртэн саҕалаан медиа-менеджердэргэ уонна интэриниэт-технологтарга тиийэ кыттыахтарын сөп. Сайаапкалары 2025 сыл тохсунньу 14 күнүттэн олунньу 11 күнүгэр диэри социальныеархитекторы.рф. саайтка ытыаххытын сөп.