Социальнай биэнсийэ кээмэйин индексациялыахтара

Биэнсийэ сокуонугар олоҕуран, кэлэр сыл муус устар 1 күнүттэн социальнай биэнсийэ кээмэйэ хаттаан көрүллэн, улаатыаҕа – бу доруобуйаларынан хааччахтаах гражданнары уонна иитээччитин сүтэрбитинэн биэнсийэни ылааччылары таарыйыаҕа, оттон олунньу 1 күнүттэн страховой биэнсийэлэр индексацияланыахтара. Бу туһунан РИА Новости иһитиннэрэр.

«Социальнай биэнсийэлэр – сыл аайы муус устар 1 күнүттэн дойдуга ааспыт сыл устата биэнсийэлээх тиийинэн олоруу алын кээмэйэ үрдээһинин тэтимин учуоттаан индексацияланаллар. Социальнай биэнсийэлэр индексацияларын коэффициена РФ Бырабыыталыстыбатынан быһаарыллар», – диэн биэнсийэнэн хааччыйыы туһунан федеральнай сокуоҥҥа этиллэр. Бу социальнай хааччыйыы көрүҥэ доруобуйаларынан хааччахтаах дойду олохтоохторун, ону таһынан иитээччитин сүтэрбитинэн биэнсийэни ылар эбэтэр страховой биэнсийэни анатыыга сөптөөх ыстааһы муһумматах дьону хабыаҕа. Маны таһынан, кэлэр сыл саҕаланыытыгар олунньу 1 күнүттэн үлэлиир да, үлэлээбэт да гражданнар страховой биэнсийэлэрэ индексацияланыахтара.