Хаартыска -- Мария Васильева / СИА
Бу дьыл кулун тутар 5 күнүнээҕи РФ Бырабыыталыстыбатын уурааҕынан муус устар 1 күнүттэн дойдуга социальнай биэнсийэ 7,5% үрдүөҕэ.
Маннык төлөбүрүнэн инбэлииттэр, көрөр-истэр дьоно суох хаалбыт оҕолор, биэнсийэ баалын ситэри хаһаамматах дьон туһаныахтара. «Парламентская газета» иһитиннэрбитинэн, индексацияламмыт социальнай төлөбүрүнэн страховой биэнсийэҕэ ыстаастара тиийбэт дьон, страховой ыстаастара тиийбэт инбэлиит дьон уонна оҕолор, 18 саастарыгар диэри оҕолор уонна 23 саастарыгар диэри биир эбэтэр төрөппүттэрин иккиэннэрин сүтэрбит устудьуон ыччат, олохтон барбыт соҕотох ийэ оҕолоро эбэтэр төрөппүттэрэ кимнээҕэ биллибэт оҕолор туһаныахтара.
— 7,5 % бүддьүөккэ былааннаммыт суума, Социальнай пуондаҕа ити үп тыырыллыбыта. Дойдуга социальнай биэнсийэни ылааччы ахсаана 4 мөлүйүөн кэриҥэ киһи. Төлөбүр кээмэйэ ортотунан — 13,5 тыһыынча солкуобай, — диэн бэлиэтээтэ Госдуума үлэҕэ, социальнай бэлиитикэҕэ уонна бэтэрээннэр дьыалаларыгар сис кэмитиэт салайааччыта Светлана Бессараб.
Быйыл социальнай биэнсийэни дьахталлар 63, эр дьон 68 саастарыттан ылаллар. Аҕыйах ахсааннаах норуоттарга: дьахталлар – 50, эр дьон 55 саастарыттан.
Маны таһынан, социальнай биэнсийэттэн ураты муус устар 1 күнүттэн 7,5 % судаарыстыбаннай биэнсийэ көрүллэр: байыаннай дьайыыга сылдьан эчэйиини ылан инбэлиит буолбут байыаннай сулууспалаахтарга уонна баҕа өттүнэн сэриигэ сылдьыбыттарга, Аҕа дойду Улуу сэриитин кыттыылаахтарыгар, радиационнай эбэтэр техногеннай катастрофаҕа кыттыбыт дьоҥҥо.
Атырдьах ыйын 1 күнүттэн үлэлиир дьон биэнсийэлэрэ үрдүөҕэ. Сыл аайы алтынньы 1 күнүттэн байыаннай биэнсийэ үрдүүр. 2024 сылга 4,5 % төлөбүр 2,7 мөлүйүөн Арассыыйа олохтооҕор үрдүөҕэ.
Тохсунньу 1 күнүттэн кырдьаҕас дьон, инбэлиит уонна көрөр-истэр киһитин сүтэрээччилэргэ страховой биэнсийэлэрэ үрдээбитэ. Олунньу 1 күнүттэн бары группалаах инбэлииттэргэ, Аҕа дойду Улуу сэриитин кыттыылаахтарыгар уонна инбэлииттэригэр, бойобуой дьайыы бэтэрээннэригэр ыйдааҕы төлөбүрдэрэ индексацияланар.
Маны таһынан, кулун тутар 1 күнүттэн 80 саастарын туолбут үбүлүөйдээх дьоҥҥо страховой биэнсийэлэрэ икки төгүл улааппыта — 16 269,76 солкуобай.
Сэтинньи 22 күнүгэр Дьокуускай куоракка биир дойдулаахпыт, киэн туттар киһибит, Саха Өрөспүүбүлүкэтин өрөгөйүн ырыатын хос…
Сэтинньи 23 күнүгэр Усуйаанатааҕы ЕДДС Уйаандьы сэлиэнньэтин баһылыгын солбуйааччытыттан икки киһи сүппүтүн туһунан суһал иһитиннэрии…
Аммалар күндү күтүөттэрэ, Бөтүҥ нэһилиэгин олохтооҕо, тимир ууһа Георгий Олесов-Дьулус Уус сөбүлүүр дьарыга киниэхэ аҕатын…
Сэтинньи 19-23 күннэригэр Москваҕа П.И.Чайковскай аатынан консерваторияҕа эдэр пианистарга норуоттар икки ардыларынааҕы II куонкурус үрдүк…
Соторутааҕыта «Айар Кут сойуус» уонна Нам улууһун «Отуу уота» суруйааччыларын, хоһоонньуттарын түмсүүлэрин чилиэнэ, үлэ бэтэрээнэ…
Былыр-былыргыттан сахалар оҕо төрөөн киһи-хара буолуор диэри оҕолорун олохторун ырыҥалыыллара. Саастарын ситтилэр даҕаны ыал оҥортуурга…