Хаартыска: СИА
РФ бырабыыталыстыбата уонна Арассыыйа экэниэмикэтин сайдыытын министиэристибэтэ, «Национальные приоритеты» кэмиэрчэскэйэ суох тэрилтэ, эрэгийиэннэргэ баар бырайыактыыр офистар национальнай бырайыактарынан тутуллар социальнай эбийиэктэри тутууну, туһаныыны кэтээн көрүү мэхэньиисимин оҥорор бырайыактара үлэлээтэ.
Онон олохтоохтор национальнай бырайыак чэрxитинэн тутуллубут оскуола, балыыһа, спортивнай эбийиэк, о.д.а. туругун туһунан санааларын суруйан хаалларыахтарын сөп. Онуоха анаан бу маннык эбийиэктэрэ анал QR-куодтар баар буолуохтара.
2024 сыл бүтүөр диэри дойду үрдүнэн 6 тыһыынчаттан тахса эбийиэккэ маннык QR-куодтары туруоруохтара. Бүгүҥҥү күҥҥэ 3,5 социальнай эбийиэккэ QR-куодтаах табличка туруоруллубут. Бу куодтарынан номнуо 12,7 тыһыынчаттан тахса дьон санаата киирбит: 79% — «барыта үчүгэй» диэн, 14% — нейтральнай, 7% – итэҕэһи-быһаҕаһы ыйар.
Бу QR-куоду төлөпүөнүгэр сканнаан баран, национальныепроекты.рф диэн саайтка бу эбийиэккэ анаммыт страницаҕа киирэҕин. Манна анкета толорон, санааҕын хаалларыаххын сөп.
Өскөтүн итэҕэһи-быһаҕаһы ыйар санаа киирдэҕинэ, саайт суругу тута бу эбийиэккэ эппиэттиир бырайыактыыр офиска ыытар. 20 хонук иһинэн бу кыһалҕаны быһаарар сорук турар.
Национальнай бырайыактары 2019 сылга бэрэсидьиэн Владимир Путин көҕүлээбитэ. Саха сирэ Уһук Илиҥҥэ национальнай бырайыактары олоххо киллэриигэ уонна бүддьүөккэ үбү тардыыга лиидэр буолар. Саха сиригэр 2019 сылтан национальнай сыаллары толорууга үбүлээһин суумата 4 төгүл улаатан, 187 милиард солкуобайга тэҥнэстэ. Ол эбэтэр, 900 килэмиэтирдээх өрөмүөннэммит суоллар, 50 муоста, 60-тан тахса балыыһа уонна поликлиника, 50-ча оскуола, 32 уһуйаан тутулунна. Онон 5 сыл иһигэр барыта 274 социальнай эбийиэк тутулунна, 28 тыһыынча киһи хаарбах дьиэттэн саҥа кыбартыыраҕа көстө.
Ил Дархан, бырабыыталыстыба дьаһалтатын пресс-сулууспата.
“Кимиэхэ эрэ “Сулустаах” дьиэ, кимиэхэ эрэ...” диэн кыһалҕалаах дьиэлээх-уоттаах үс оҕолоох ийэ туһунан суруйбуппут. Бу…
Ахсынньы 13 күнүгэр Дьокуускайга Ю.Гагарин аатынан Култуура киинигэр Дьиэ кэргэн сылын үөрүүлээхтик сабыы тэрээһинэ буолла.…
Дойдубут аҕа баһылыга Владимир Путин бу күннэргэ сылы түмүктүүр мунньахтарын ыыталыыр. Ахсынньы 10 күнүгэр Гражданскай…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Ленскэй, Халыма-Индигиир улуустарыгар, күнүс Дьааҥыга…
Нэдиэлэ устата барбыт Бүтүн Арассыыйатааҕы “Сыл учуутала-2024” күрэс Саха сиринээҕи түһүмэҕэ түмүктэннэ. Үөрүүлээх быһыыга-майгыга лауреаттар,…
“Бары бииргэ Кыайыыга!” 1-кы Өрөспүүбүлүкэтээҕи байыаннай-патриотическай пуорумҥа “Покров и защита” уордьанынан Афганскай сэрии бэтэрээнэ Валерий…