СИА хаартыската.
Саха сиригэр социальнай эбийиэктэри тутуу тэтимнээхтик барар. Кэнники сылларга тыа сиригэр оскуолалар, уһуйааннар, балыыһа комплекстара, успуорт уо.д.а. эбийиэктэрэ хото тутуллаллар. Бу өрөспүүбүлүкэ сайдыытыгар, кини олохтоохторун олоҕун хаачыстыбатын тупсарыыга туһуламмыт дьоһун түһүмэҕинэн буолар.
Кэлиҥҥи сылларга өрөспүүбүлүкэҕэ аныгы ирдэбилгэ эппиэттиир, истиин-тастыын ураты көрүҥнээх, таһымнаах саҥа оскуолалар дьэндэстилэр. Ону сэргэ саҥа балыыһа комплекстара, мэдиссиинэ кииннэрэ тутуллуулара, нэһилиэнньэ хаачыстыбалаах мэдиссиинэ көмөтүн сөпкө уонна бириэмэтигэр ыларыгар итиэннэ олоҕо уһууругар төһүү буолуо. Ол курдук, Кардиологическай уонна Онкологическай кииннэр элбэх киһи олоҕун быыһыыллара саарбаҕа суох. Оттон улуустарга тутуллубут, тутулла турар аныгы эмтиир оборудованиенан сэбилэммит балыыһа комплекстара миэстэтигэр мэдиссиинэ көмөтүн оҥорорго кыаҕы биэриэхтэрэ.
Аны дьон эт-хаан өттүнэн доруобуйатын тупсарарыгар, чэгиэн-чэбдик буоларыгар анаан тутуллар успуорт дыбарыастара, стадионнар, бассейннар, о.д.а. комплекстар көхтөөх олоххо угуйуохтара.
Биэс сыл көрдөрүүтэ
Дойду Бэрэсидьиэнэ Владимир Путин көҕүлээбит национальнай бырайыктарынан үбүлээһин оҥоһуллан, Саха сиригэр социальнай эбийиэктэри тутуу балысханнык барар.
Саха сиригэр ааспыт биэс сылга федеральнай бүддьүөттэн национальнай бырайыктары олоххо киллэрэргэ 140 млрд солк. кэриҥэ үп ыытыллыбыт. Оттон бу сыалга, уопсайа, өрөспүүбүлүкэ үбүн кытары кытары, 190 млрд солк. туһаныллыбыт.
Аҥаардас ааспыт 2023 сылга национальнай бырайыктары олоххо киллэриигэ 70 млрд солк. тыырыллыбыт, ол иһигэр 54 млрд солк. федеральнай хааһынаттан ыытыллыбыт. Ол үбүнэн өрөспүүбүлүкэҕэ 57 социальнай эбийиэк уонна
705 тыһ. кв. м иэннээх олорор дьиэ тутуллубут.
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…
Ыам ыйын 15 күнүгэр Үөһээ Бүлүү улууһун Туобуйа нэһилиэгэр икки киһи эмсэҕэлээһиннээх быһылаан тахсыбыта. Туобуйаттан…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…