Үлэ, социальнай сайдыы миниистирэ Елена Волкова Мэҥэ Хаҥалас улууһун социальнай көмүскэл управлениетын үлэһитин Елена Макарованы кыайыытынан эҕэрдэлээтэ. Елена социальнай хааччыйыы эйгэтигэр XI Бүтүн Арассыыйатааҕы идэ маастарыстыбатын куонкуруһугар “Социальнай хантараагы киллэрии бастыҥ уопута” номинацияҕа кыайда.
Елена Макарова управлениеҕа 2012 сылтан үлэлиир. Судаарыстыбаннай көмө, социальнай хантараагы, өрөспүүбүлүкэтээҕи уонна эрэгийиэннээҕи Ийэ хапытаалын, “100 сыл оҕолоро” хапытаалын биэрии, хонтуруол боппуруостарынан дьарыктанар.
Социальнай көмөнү оҥорууга кини уопутун федеральнай таһымҥа үрдүктүк сыаналаатылар.
2012-2021 сылларга Мэҥэ Хаҥалас улууһугар 1314 дьиэ кэргэн 123 мөлүйүөн солкуобай суумаҕа социальнай хантараагы түһэрсибит. Бу ыаллар бары хаһаайыстыбаларын кэҥэттибиттэр, бэйэ дьыалатын арыйбыттар, үлэ миэстэтин арыйбыттар, дохуоттаммыттар. Бу суума барыта улуус, дьиэ кэргэн экэниэмикэтин тупсарыыга үлэлээн, эбиллэн, хамнастаах буолууга, дохуоту ылыыга үлэлии турар.
Социальнай хантараагы сүрүннээн кэтэх хаһаайыстыбаны сайыннарыыга (оҕуруот аһын үүннэриигэ, сүөһүнү, сылгыны атыылаһыыга, хотон өрөмүөнүгэр, ыҥырыаны иитиигэ) уонна бэйэ дьыалатын арыйыыга (столярнай, иис сыахтарын, бэкээринэни, кэрэ сэбэрэ солуонун, туристическай базаны, автомастарыскыайы арыйыыга, кулинарияҕа, полиграфическай өҥөнү оҥорууга, о.д.а.) ылбыттар.
Кыайыылаахтары наҕараадалааһын Сочига буолла. РФ үлэҕэ, социальнай көмүскэлгэ миниистирэ Антон Котяков наҕараадалары бэйэтэ туттартаата. Барыта 2 тыһыынчаттан тахса үлэһит кыттыбытыттан, финалга 30 эрэгийиэнтэн 15 номинацияҕа 48 киһи тахсыбыта.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…