Үлэ, социальнай сайдыы министиэристибэтин пресс-сулууспата.
2023 сылга 6,5 тыһыынча ыал 4 хайысханан социальнай хантараагы ылан туһаммыт. Уопсай суумата 822 мөлүйүөн солкуобайга тэҥнэспит. Бу туһунан үлэ, социальнай сайдыы миниистирэ Елена Волкова брифиҥҥэ иһитиннэрдэ.
— Социальнай хантараак көмөтүнэн судаарыстыбаннай көмө өрөспүүбүлүкэҕэ 2010 сылтан оҥоһуллар. Саха сирэ пилотнай эрэгийиэннэртэн биирдэстэрэ этэ. Билигин бу хайысханан улахан уопуттаахпыт. Кыра дохуоттаах, эбэтэр, ыарахан балаһыанньаҕа түбэспит ыалларга бу көдьүүстээх көмө буолар, — диэн кини эттэ.
Социальнай хантараак көмөтүнэн бэйэ дьыалатын арыныахха, кэтэх хаһаайыстыбаны сайыннарыахха сөп. Манна босхо харчыны кэтэспэккэ, дьон бэйэтэ үлэлииригэр усулуобуйаны оҥоруу ордук суолталаах.
Кэнники икки сылга министиэристибэ ыарахан балаһыанньаҕа түбэспит дьоҥҥо көмөлөһөр хайысханан, көмө миэрэлэрин кэҥэттэ. Билигин бу хайысханан 6″ социальнай бакыат» оҥоһулунна.
Үһүс сылын социальнай хантараак үлэ көрдүүргэ көмөлөһөр хайысхалаах. Бу миэрэ көмөтүнэн эбии үөрэниэххэ, квалификацияны үрдэтиэххэ, үлэ көрдүүр кэмҥэ туһаныахха сөп.
2023 сыллаахха Ил Дархан Айсен Николаев дьадайыыны утары охсуһар туһунан ыйааҕар социальнай хантараак сууматын үрдэтэр туһунан этиллибитэ. Онон бэйэ дьыалатын арынарга уонна кэтэх хаһаайыстыбаны сайыннарарга дьиэ кэргэн анал бырайыагы оҥорон, олоххо киллэрэригэр 500 тыһыынча солкуобайы ылыан сөп. Бу харчынан тиэхиникэни, анал тэриллэри, маллары, миэбэли ылыахтарын сөп.
Өрөспүүбүлүкэҕэ биэс сыл устата барыта 25 406 социальнай хантараак түһэрсиллибит. Онно барыта 2,4 миллиард солкуобай көрүллүбүтэ. Маны тэҥэ, хантараак ахсаана уонна үбүлээһин кээмэйэ сыллата элбээн иһэр. 2019 сыллаахха 3 539 хантараак түһэрсиллибит буоллаҕына, 2023 сылга 6 579 хантараак бэриллибитэ.
Үлэ, социальнай сайдыы министиэристибэтэ.
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…