Үлэ, социальнай сайдыы министиэристибэтин пресс-сулууспата.
Ил Дархан Айсен Николаев Анал этиитигэр дьадайыы таһымын икки төгүл кыччатар соругу туруорда. Ону ситиһэргэ биир ньыманан кэлэр сылтан социальнай хантараак сууматын икки төгүл үрдэтии буолар. Социальнай хантараак суумата 500 тыһыынча солкуобайга тэҥнэһиэҕэ.
— Дьадайыы таһыма 19,6%-тан 15,6%-ҥа диэри намтаата. Намтааһын түргэнинэн дойдуга биир үчүгэй көрдөрүү. Ол эрээри, ити ситэтэ суох, тэтими түргэтэтиэххэ диибин. Онон кэлэр 5 сыл устата кырата 70 тыһыынча киһи дьадайыы боруогун туоруохтаахтар, дьадайыы таһыма икки төгүл кыччыахтаах. Олоххо араас буолар, дьадайыы ытарчатыгар хаптарбыт хас биирдии киһини анаан арыаллаан, көмөлөһүөхтээхтэр. Ордук кырдьар саастарынан, эбэтэр, доруобуйаларын туругунан ыарахан балаһыанньаттан кыайар кыаҕа суох дьоҥҥо болҕомто ууруллуохтаах. Тыа сирин олохтоохторугар уонна Арктика эргимтэтигэр олорор дьоҥҥо, үлэ миэстэтэ аҕыйаҕынан, урбааны тэрийэр кыах аҕыйаҕынан, ураты сыһыан олохтонуоҕа, — диэн кини эттэ.
Ил Дархан иккис болдьоҕор талыллан баран, дьадайыыны утары ыйаахха илии баттаабыта. Кэнники 5 сылга дьадайыы таһымыттан 34 тыһыынча киһи таҕыста. Социальнай хантараак — бу көннөрү харчыны биэрии буолбатах, үлэтэ, үөрэҕэ суох киһи идэ ылан, бэйэ дьыалатын арынан, үлэлээх буоларыгар, үлэлээн-хамсаан дьиэ кэргэнин иитэригэр, эбэтэр, кэтэх хаһаайыстыбатын кэҥэтэригэр туһуламмыт көмө буолар.
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…