Хаартыска Мэҥэ Хаҥалас улууһун дьаһалтатын пресс-сулууспатыттан
Нэһилиэнньэ дьарыктаах, бигэ туруктаах буоларын ситиһэргэ туһуланар социальнай хантыараак нөҥүө өйөбүлү көрүү дьон-сэргэ биһирэбилин ылар.
Ааспыт сыл социальнай хантараак бырагырааматынан бэйэ дьыалатын арыныыга уонна кэтэх хаһаайыстыбатын тэриниигэ, сайыннарыыга туһуланар көмө үбүлээһин 500 тыһыынча солкуобайга диэри үрдээбитэ.
Быйылгыттан Мэҥэ Хаҥалас улууһугар социальнай хантараак төһө көдьүүстээҕин көрдөрөр отчуоту көмүскээһин диэн саҥа ирдэбил киирдэ. Ол эбэтэр, социальнай хантараак ылбыт дьон биир сылынан хайдах үлэлии-хамсыы сылдьалларын, төһө дохуокка тахсыбыттарын көрдөрөллөр.
Бүгүн улуус баһылыгын социальнай уонна имиджевэй бэлиитикэҕэ солбуйааччыта Альбина Григорьева бэрэссэдээтэллээх хамыыһыйа хантараагы туһаммыт 33 киһини иһиттэ диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Уопсайа бэйэ дьыалатын тэриниигэ 13, кэтэх хаһаайыстыбаны сайыннарыыга 2, уустук балаһыанньаҕа түбэспит 18 киһи социальнай хантараагынан туох дьыаланы тэриммиттэрин кэпсээтилэр. Саҥа сүүрээнинэн – биэнсийэлээх, бочуоттаах сынньалаҥҥа олорор дьоҥҥо бэйэ дьыалатын арыныыга уонна кэтэх хаһаайыстыбаны сайыннарыыга, тэриниигэ диэн туспа кубуота көрүллэр буолла. Усулуобуйатынан, ылар дохуоттара тиийинэн олоруу алын кээмэйин 1,5 төгүлүттэн кыра буолуохтаах.
Дойду бэрэсидьиэнэ Владимир Путин “Уһук Илин уонна Арктика ипотеката” бырагырааманы эбии үс категорияҕа, ол иһигэр…
"Норуот уонна аармыйа — биир сомоҕо» Фашизмы утары өрөспүүбүлүкэтээҕи III пуорум чэрчитинэн, сэтинньи 5 күнүгэр…
Бэҕэһээ, Сомоҕолоһуу күнүгэр, Мэҥэ Хаҥалас улууһун Догдоҥо нэһилиэгэр «Мин Сахам сирэ 21-с үйэҕэ» өрөспүүбүлүкэтээҕи үтүө…
Бүгүн "Норуот уонна аармыйа - биир сомоҕо" Фашизмы утары пуорум чэрчитинэн, "Арассыыйа - мин устуоруйам"…
Нуучча географическай уопсастыбата уонтан тахса сыллааҕыта "нулевой килэмиэтир" бэлиэтин Дьокуускайга Главпочтамт ойоҕоһугар уурбута. Ол гынан…
Дуунньукка - бу кини таптал аата. Балтым Евдокия Дьокуускайдааҕы Култуура уонна урамньы кыһатын төрүт култуура…