Хаартыска: Социальнай харысхал өрөспүүбүлүкэтээҕи комплекснай киинэ
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.
Бэлэх дуогабарын социальнай киин дириэктэрэ Наталья Пахомова илии баттаата. Оптуобуһу Дьокуускайга «Азия оҕолоро» норуоттар икки ардыларынааҕы оонньуулары ыытыы кэнниттэн Социальнай харысхал киинигэр бэриллибитэ.
«Кэккэ сыллар устата биһиги оптуобуһу социальнай өҥөнү туһанааччыларбытын — кырдьаҕастары, инбэлииттэри таһыыга туһаммыппыт. Сүрүннээн араас экскурсияларга сылдьарга, култуурнай тэрээһиннэргэ туһаммыппыт. Бу уустук кэмҥэ биһиги оптуобуспутун дойду көмүскээччилэригэр аныырга быһаарыы ылылынна. Быһаарыын кэлэктиип үлэһиттэрэ уонна биһиги ытык кырдьаҕастарбыт өйөөтүлэр. Кинилэр оҕолорбут бэйэлэрин харыстаналларыгар, дойдуларыгар этэҥҥэ төннөллөрүгэр баҕа санааларын тиэртилэр. Оптуобуһу биэрэхпит иннинэ тиэхиниичэскэй көрүүтүн ыыттыбыт, саҥа аккумулятор атыыластыбыт», — диэн Наталья Пахомова иһитиннэрдэ.
Социальнай хааччыйыы өрөспүүбүлүкэтээҕи комплекснай киинэ байыаннай дьайыы саҕаланыаҕыттан кыайыыны чугаһатар уопсай дьыалаҕа күүстээх кылааты киллэрэр. Байыастары өйүүргэ харчы хомуйаллар, социальнай өҥөнү туһанааччылары кытта сиэккэлэри таҥаллар, оттон өрөспүүбүлүкэ үһүс саас оскуолатын чилиэттэрэ харысхаллары бэлэмнииллэр.
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…