Е-yakutia.ru порталга «Калькулятор мер социальной поддержки семей с детьми» диэн сервис баар. Бу социальнай калькуляторынан киһи туох көмө баарын, киниэхэ туох ананыан сөбүн, төлөбүр сууматын, бары ымпыгын-чымпыгын билэр. Калькулятор 2022 сыл балаҕан ыйыгар Ил Дархан сорудаҕынан, e-yakutia.ru порталга үлэлээн саҕалаабыта.
Социальнай калькулятор үлэлиэҕиттэн, 6 тыһыынчаттан тахса киһи туһанна. Кинилэр босуобуйаларын, төлөбүрдэрин аахтардылар.
Калькуляторынан туһанар туһуттан, e-yakutia.ru судаарытыбаннай порталга тус кэбиниэккэ киирэн, бастаан ыйытыктарга хоруйдуугун. Онно дохуоккун-ороскуоккун ааҕан баран, ханнык көмөнү ылыаххын сөбүн быһаарар. Манна барыта отучча көмө миэрэтэ баар.
Ольга Степанова, Үлэ, социальнай сайдыы министиэристибэтин салайар үлэ, цифровизация уонна судаарыстыбаннай өҥө департаменын салайааччытын солбуйааччы:
— Бастатан туран, социальнай калькулятор дьиэ кэргэн туох көмөнү ыларын иһитиннэрэргэ көмөлөөх уонна табыгастаах. Чопчу бу дьиэ кэргэҥҥэ ханнык көмө миэрэтэ баарын таһаарарыгар, бэлэм сигэлэрдээх буолар. Бу сигэлэринэн электроннай көрүҥүнэн көмө миэрэтин оҥорторуохха сөп.
Табыгастааҕа диэн, туох баар дааннайдар уонна сибидиэнньэлэр биһиги өрөспүүбүлүкэбит уратыларыгар сыһыаннаахтар. Холобур, оройуон коэффициеннара зоналарынан араастаһаллар. Онон дьиэ кэргэн дохуотун ааҕыы да, төлөбүр, босуобуйа кээмэйдэрэ араастаһаллар.
Дьон сервиһи туһанан баран, хайгыыллар, махтаналлар, бу бырайыакпыт хаачыстыбалааҕын сүрүн көрдөрүүтэ буолар. Төрөппүттэр дьиэттэн да тахса сатаабакка, электроннай көрүҥүнэн сайабылыанньа биэриэххэ сөбүн ордук биһирииллэр.
Социальнай калькулятор бырайыага 2022 сыл түмүгүнэн РФ Сыыппаранан сайдыыга, сибээскэ, маассабай коммуникацияҕа министиэристибэтэ быһаарбытынан, эрэгийиэннэргэ «Лучшая практика по цифровизации» диэн ааты ылбыта.
Саха сиригэр ыал буолууну регистрациялааһын сиэрин-туомун ыытыыны билигин 17 саҥа миэстэҕэ оҥоруохха сөп. Олор истэригэр…
АЛРОСА Саха сиригэр успуорт инфраструктурата сайдарыгар көхтөөхтүк кыттар. Ол курдук, 2019 сыллаахха Амма улууһун Бөтүҥ…
Нам улууһунааҕы ИДьМ холуобунай ирдэбилин үлэһиттэрэ эрдэ сууттана сылдьыбыт 25 саастаах киһи кыбартыыра атыылааһыныгар түөкүннээһиҥҥэ…
Бырабыыталыстыба бэрэссэдээтэлин солбуйааччы Георгий Степанов, үлэ, социальнай сайдыы миниистирэ Елена Волкова уонна доруобуйа харыстабылын миниистирин…
Сунтаар Хайатыгар, Томпо улууһун Тополинай бөһүөлэгиттэн 111 км тэйиччи турар сиргэ, бүгүн сарсыарда сир хамсаабытын…
Уот сиэбит ойуурун чөлүгэр түһэриигэ болҕомто туһаайыллар. Айылҕаны харыстыырга АЛРОСА былааннаахтык кыттыһан маһы олордор. Бу…