Социальнай көмө кэлэрин кэтэһэ сылдьан

Олунньуга социальнай көмө индексацияланарын туһанан, түөкүттэр дьону албынныыр саҥа ньыманы толкуйдаабыттар.

Ол курдук, социальнай ситимнэргэ бот эбэтэр сыһыарыы рекламатын ыыталлар: «Олунньуга биир кэмнээх төлөбүргүт (EДВ) төһө үрдээбитин билиҥ» диэн. Өскөтө киһи маннык сыһыарыыны туруордаҕына, буортулаах бырагыраама баан дааннайдарын уоруон эбэтэр үспүйүөннүүр бырагырааманы киллэриэн сөп.

Түөкүттэр маны таһынан “олунньутааҕы индексация төһө сөптөөҕүн бэрэбиэркэлииргэ» СНИЛС, ИНН уонна каарта нүөмэрдэрин ирдиир Tелеграм ботун эмиэ туһаныахтарын сөп. Дааннайдары ыллылар да, киһи харчы устан эбэтэр социальнай инженерия  көмөтүнэн уоран ылаллар, дииллэр эспиэрдэр.

Түөкүттэртэн сэрэниҥ!