Нолуоктан социальнай вычет сууматын үрдэтиэхтэрэ

Судаарыстыбаннай Дуумаҕа дьокуттаатар бөлөҕө нолуоктан социальнай вычеты муҥутуур кээмэйин 150 тыһ. солкуобайтан 360 тыһ. солк. диэри улаатыннарарга этии киллэрдэ.

Бу туһунан ТАСС иһитиннэрэр. Сокуону көҕүлээччилэринэн Үлэ, социальнай бэлиитикэ уонна бэтэрээннэр дьыалаларын; дьиэ кэргэни көмүскүүр, аҕа буолуу, ийэ буолуу уонна оҕо саас боппуруостарын; гражданскай уопсастыбаны сайыннарар, уопсастыбаннай уонна итэҕэл түмсүүлэрин; туризм уонна туристическай инфраструктураны сайыннарар; эрэгийиэннээҕи бэлиитикэ уонна олохтоох салайыныы кэмитиэттэрин бэрэссэдээтэллэрэ Ярослав Нилов, Нина Останина, Яна Лантратова, Сангаджи Тарбаев, Алексей Диденко буоллулар. Ону таһынан, парламентарийдар Нолуок Кодексатын иккис чааһын 219-с ыстатыйатыгар, Арассыыйа олохтоохторун оҕолорун сынньалаҥнарыгар уонна доруобуйаларын чэбдигирдиигэ ороскуоттарыгар социальнай төлөбүрдэри көрөр уларытыылары киллэрэргэ этии киллэрдилэр.

Нилов бэйэтин социальнай ситимҥэ суруйбутунан, киллэриллэр уларытыылар – оҕолорун доруобуйаларын чэбдигирдиигэ кыһаллар төрөппүттэр бүддьүөтүгэр өйөбүл миэрэтэ буолар.