Хаартыска: Чэмэлиинэ Скрябина тиксэриитэ.
Улуу Кыайыы 80 сылынан ыам ыйын 18 күнүгэр Дьокуускайга Ирина Борисовна Гузова аатынан социальнай остолобуойга тыыл бэтэрээннэрин, сэрии сылларын оҕолорун, үлэ бэтэрээннэрин ыҥыран чиэстээтилэр.
“Ирина Борисовна Кыайыы күнүн олус истиҥник, сүрэҕэр чугастык ылынан бэлиэтиирэ. Онон кини олохтообут үгэһин салгыыр ытык иэспит”, — дииллэр остолобуой үлэһиттэрэ. — Бырааһынньыкка куорат 50 бэтэрээнэ кыттыыны ылла. Биһиги кинилэргэ анаан мааны астаах остуолу бэлэмнээтибит, 7 саастаах Ева Кувватова толоруутугар, Марат Ефимович Петров баяныгар доҕуһуоллатан байыаннай ырыалардаах, музыкальнай нүөмэрдээх шоу-бырагырааманы көрдөрдүбүт, өйдөбүнньүк бэлэхтэри туттардыбыт. Биһиэхэ ыраас эйэлээх халлааны бэлэхтээбит күндү бэтэрээннэрбитигэр бу күн туох кыаллары барытын оҥордубут”.
Социальнай остолобуой кэлэктиибэ бырааһынньыгы тэрийиигэ көмөлөспүт Арктическай оскуолаҕа (бөлөх салайааччыта Ирина Прокопьевна), “Кейсистемс-Якутия” ХЭУо дириэктэрэ Лена Николаевна Жирковаҕа, «Үөкүйэ» маҕаһыын салайааччыта Макарова Нюргуяна Константиновнаҕа, Дьокуускайдааҕы килиэп астыыр кэмбинээккэ, “Очкидалинзы” тэрилтэҕэ махталларын тиэрдэллэр.
Чэмэлиинэ Скрябина.
Хаартыскалар Чэмэлиинэ Скрябина тиксэриилэрэ
СӨ Борокуратуурата иһитиннэрбитинэн, Таатта улууһугар бүддьүөт харчытын уоруунан холуобунай дьыала тэриллибит. Ол курдук холуобунай дьыаланы…
“Роскосмос” судаарыстыбаннай корпорация телеграм-ханаалыгар иһитиннэрэринэн, балаҕан ыйын 7 күнүгэр Арассыыйа сиригэр-уотугар ый "өлүөҕэ". —…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саҥа үөрэх дьылын көрсө, атырдьах ыйын 27 күнүгэр, «Анаабыр алмаастара» АУо көмөтүнэн, табаһыттар оҕолорун Булуҥ…
Дьокуускай куорат борокуратуурата Усуйаана улууһун 27 саастаах олохтооҕор тэриллибит холуобунай дьыалаҕа буруйдааһыны өйөөтө. Кини халабыр…
"Улахан тэрилтэлэр уонна судаарыстыбаннай былаас уорганнарын үлэлэрин билсии инникитин өрөспүүбүлүкэни салайыахтаах дьону үөрэтиигэ дьоһуннаах хардыынан…