Хаартыска: социальнай остолобуой.
Сэтинньи бүтүүтэ Ирина Гузова аатынан социальнай остолобуой үлэтин сөргүттэ. Ирина Гузова ыарахан ыарыыттан былырыын өлбүтүн кэннэ, кини кыра кыыһа Марина Тугова ийэтин дьыалатын салгыыр.
Өрүс пуордугар баар «Графский берег» социальнай остолобуой кырдьаҕас, кыаммат дьону босхо аһатар, аһымал аахсыйалары тэрийэр. Бу остолобуойга амарах санаалаах дьон баҕа өттүлэринэн көмөлөһөллөр.
Социальнай остолобуой салайааччыта Марина Тугова:
— Сотору кэминэн алыптаах Саҥа дьыл уонна Ороһуоспа бырааһынньыктара буолаары тураллар. Онон соҕотох хаалбыт кырдьаҕастарбытыгар уонна инбэлиит оҕолорго бырааһынньык бэлэхтиэхпитин баҕарабыт. Ахсынньы 25 күнүгэр «Ты не одинок» диэн Саҥа дьыллааҕы харыйа бырааһынньыгын тэрийэбит. Бу маннык бырааһынньыкка кыттыһыы соҕотох хаалбыт, дьиэҕэ бүгэн олорор кырдьаҕастарга олус улахан суолталаах.
Тохсунньу 7 күнүгэр инбэлиит оҕолорго уонна элбэх оҕолоох, кыаммат ыалларга «Рождественские чудеса детям» бырааһынньыгы тэрийэр былааннаахпыт. Онон көмөлөһүөн баҕарар дьонтон ким төһө кыахтааҕынан, болҕомтоҕо, кыра да көмөҕө наадыйар дьоҥҥо үөрүүнү бэлэхтээҥ диэн ыҥырабыт.
Ахсынньы 12 күнүгэр менюга: балык миинэ, хортуоскалаах, тэллэйдээх минтай ыһаарыта, помидордаах, оҕурсулаах салаат баар. Остолобуой оптуорунньукка, чэппиэргэ, субуотаҕа күнүс 12 чаастан 4 чааска диэри үлэлиир.
Билсэр төлөпүөн: +79142743942
https://vk.com/id740644153 Хаартыска: социальнай остолобуой.
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…
Бүгүн Ем.Ярославскай аатынан хотугу норуоттар култуураларын уонна историяларын холбоһуктаах судаарыстыбаннай түмэлигэр саха балаҕаныгар истиҥ-иһирэх тэрээһин…