Социальнай пуонда 16 тыһыынча оҕоҕо СНИЛС-ы оҥорон биэрдэ

Социальнай пуонда 2024 сылга Саха сиригэр төрөөбүт 16 тыһыынча оҕоҕо СНИЛС докумуону оҥордо. Социальнай пуонда бу СНИЛС-ы туох да сайабылыанньата суох, бэйэтэ оҥорон биэрэр. 

СНИЛС диэн тугуй? Бу — тус лицевой счет страховой нүөмэрэ. Манна хас биэнсийэ баала, төһө страховой усунуос мунньуллубутун, үлэ ыстааһын туһунан информация баар. Бу кэнэҕэски биэнсийэ ананарыгар наада.

Маны тэҥэ, булгуччулаах мэдиссиинэ страховкатын систиэмэтигэр киирэргэ, мэдиссиинэ босхо өҥөтүн ыларга аналлаах. Араас судуаарыстыбаннай өҥөнү ыларга эмиэ туһаныллар.

Судаарыстыбаннай уорганнарга, тэрилтэлэргэ киһи ким буоларын бигэргэтэр докумуон.

Социальнай пуонда иһитиннэрэринэн, саҥа төрөөбүт оҕо төрөппүтэригэр бигэргэммит учуот суруга суох буоллаҕына, пуонда килийиэннэрин сулууспатыгар, эбэтэр, Элбэх өҥөнү оҥорор кииҥҥэ тиийэн, сайабылыанньа суруйуохтарын наада.