Социальнай пуонда өрөспүүбүлүкэ биэс олохтооҕор Lada Granta күлүүстэрин туттарда

Саха сиринээҕи Социальнай пуонда отделениетыгар өрөспүүбүлүкэ биэс олохтоохтор Lada Granta массыына күлүүстээрин туттардылар.

Үлэҕэ эчэйиини ылбыт олохтоохторго сокуонунан массыына  көрүллэр.  Тэрээһин Lada Granta официальнай дилерскай киинигэр ыытылынна. Массыына күлүүстэрин Социальнай пуонда Саха сиринээҕи управляющайа Марина Германия туттарда диэн Социальнай пуонда пресс-сулууспата иһитиннэрдэ.

Үлэ кэмигэр эчэйиини ылбыт Саха сирин олохтоохторо мэдиссиинэ-социальнай эспэртииһэтэ (МСЭ) быһаарыытынан массыына ылар бырааптаахтар. Маннык өйөбүлү ыларга мэдиссиинэ-социальнай эспэртииһэтин хамыыһыйатын ааһыахтааххын, ол кэннэ Судаарыстыбаннай өҥө порталыгар эбэтэр Саха сиринээҕи Социальнй пуонда отделениетын сулууспатыгар сайаапка түһэриэххэ наада.

«Массыыналар бары анал оборудованиенан хааччылыннылар. Быйыл Саха сирин уонча олохтооҕо маннык массыыналарынан хааччылынна. Массыынаны туһаныы болдьоҕо сэттэ сыл буолар. Бу кэм устатыгар Социальнай пуонда Саха сиринээҕи отделениета массыына ороскуоттарын толуйар: уматык, өрөмүөн ороскуота уонна сылга биирдэ массыына өрөмүөнүгэр 30 %-нын сыанатын толуйар», — диэн бэлиэтээтэ Марина Герман.