Социальнай пуондаҕа Биир кэлим босуобуйа күнэ ыытыллыаҕа

Балаҕан ыйын 18 күнүгэр Социальнай пуонда Саха сиринээҕи салаатын килийиэннэрин сулууспаларыгар Биир кэлим босуобуйа күнэ ыытыллыаҕа. Манна исписэлиистэр бары ыйытыыларга хоруйдары биэриэхтэрэ.

Биир кэлим босуобуйа — элбэх оҕолоох, кыаммат ыалларга судаарыстыба көмөтө. Дьиэ кэргэн дохуота хас биирдии чилиэнигэр тиксэринэн, эрэгийиэҥҥэ олохтоммут тиийинэн олоруу таһымыттан намыһах буоллаҕына, бэриллэр. Хат дьахталлар уонна 17-гэр диэри саастаах оҕолоох төрөппүттэр ылар бырааптаахтар.

Биир кэлим босуобуйа ананарыгар дьиэ кэргэн дохуотун, баайын-дуолун барытын учуоттууллар, ымпыга-чымпыга элбэх. Онуоха элбэх ыйытыы үөскүүр, сорохторго аккаастыыллар.

Онон бу күн туох баар ыйытыыларгытын илдьэ кэлэн, Социальнай пуонда үлэһиттэригэр биэриэххитин, толору эппиэти быһаччы  ылыаххытын сөп.