Хаартыска: Мария Васильева, ЯСИА.
«Роскомнадзор» WhatsApp* уонна Telegram диэн омук мессенджердэрин үлэлэрин сороҕун хааччахтыыр миэрэлэри ылынар диэн РБК суруйар. Бэҕэһээҥҥиттэн ыла үгүс дьон бу социальнай ситимнэр үлэлэрэ бытаарбытын, сороҕор хаартыскалары, видеолары көрдөрбөт буолбутун бэлиэтииллэр.
«Бу мессенджердэр дьонтон түөкүннээн, харчыны суйдаан ыларга, диверсионнай уонна террористическай үлэҕэ тардарга сүрүн сервистэр буолаллар. Бу мессенджердэр хаһаайыттарыгар бу маннык дьайыыны утары миэрэлэри ылыныҥ диэн ирдэбиллэри хаста да ыыппыппытын, наадыйбатылар. Быраабы харыстыыр уорганнар матырыйаалларыгар олоҕуран, буруйу оҥорууну тохтотор сыалтан, бу омук мессенджердэрин үлэлэрин сороҕун хааччахтыыр миэрэлэр ылыллаллар», — диэн «Роскомнадзор» иһитиннэрэр.
Атырдьах ыйын 13 күнүгэр «Роскомнадзор» бу икки социальнай ситимнэргэ эрийиини хааччахтаабыта, ону эмиэ түөкүттэри утары охсуһуунан быһаарбыттара.
РФ Сыыппара сайдыытын, сибээс, маассабай коммуникация министиэристибэтигэр Telegram уонна WhatsApp* Арассыыйа сокуонун ирдэбиллэрин тутуһартан аккаастаналлар диэн этэллэр.
Telegram социальнай ситим үлэһиттэрэ «Роскомнадзор» быһаарыытын кэнниттэн, диверсияҕа, күүһүнэн өттөйүүгэ уонна түөкүннээһиҥҥэ ыҥырыылары утары көхтөөхтүк охсуһабыт диэн эппиттэрэ. Оттон WhatsApp* бэрэстэбиитэллэрэ «сквозное шифрование» диэн көмүскэллээх кэпсэтии, алтыһыы куттала суох буолары хааччыйар диэн этэллэр.
*Арассыыйаҕа экстремисткэй тэрилтэнэн билиниллибит Meta хампаанньа бас билэр.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…