Хаартыска: видеоттан скриншот.
Социальнай ситиминэн уонна мессенджерынан Уус Алдан улууһугар тутулла турар эбийиэк туһунан иһитиннэрии тарҕанна. СӨ Тутуутун министиэристибэтэ маныаха туһааннаах хоруйу суруйда.
“Бороҕон сэлиэнньэтигэр Пушкин аатынан уулуссаҕа баар элбэх кыбартыыралаах дьиэ 2019-2025 сс. хаарбах туруктаах олорор дьиэттэн дьону көһөрүү бырагырааматын чэрчитинэн тутуллар. Тутааччы “ГарантРегион 14” ХЭУо буолар. Эбийиэк 90 % бэлэм, күн бүгүн тутуу салҕанар.
Бэчээккэ тахсыбыт биирдиилээн түгэннэринэн (вентиляция, суунар хос оҥоһуута бүтэ илик) тутуу ыстандаартын тутуһуутугар хонтуруол күүһүрүөҕэ.
Элбэх кыбартыыралаах олорор дьиэ бырайыагын РФ Градостроительнай кодексыгар сөп түбэһиннэрэн, “Гражданстройпроект” ХЭУо бырайыактыыр тэрилтэ оҥорбута, тутулла турар олорор дьиэ аччыгый иэнэ 24 кв.м. саҕаланар – биир хостоох кыбартыыра.
Бырайыактыыр-симиэтэлиир докумуон тутуу нуорматыгар уонна быраабылатыгар сөп түбэһиигэ судаарыстыбаннай эспэртиисэни (түмүк №14-1-1-3-039408-2021) ааспыта.
Тутууга көҥүлү Уус Алдан улууһун дьаһалтата биэрбитэ.
Тутулла турар элбэх кыбартыыралаах олорор дьиэ хаачыстыбатын СӨ Госстройжилнадзор управлениета улуус дьаһалтатын уонна “СӨ Олорор дьиэ тутуутун дирекцията” ГКУ кытта хонтуруоллуур.
Элбэх кыбартыыралаах олорор дьиэ үлэҕэ киллэриллибитин кэннэ, кыбартыыралары муниципальнай тэриллии уопсастыбаннай бэрэстэбиитэллэрэ, Роспортебнадзор уонна баһаары утары судаарыстыбаннай кэтээн көрөр тэрилтэ кыттыылаах хамыыһыйа тутар.
Бэлиэтээн эттэххэ, саҥа дьиэлэргэ урут олорбут хаарбах туруктаах дьиэлэрин иэниттэн кырата суох иэннээх кыбартыыралар көрүллэллэр. Хаарбах туруктаах дьиэттэн дьону көһөрүү бырагыраама, бастатан туран, дьон олороругар куттала суох буолуутун хааччыйар”, — диэн суруллар.
Арассыыйа Юстицияҕа министиэристибэтэ суут үлэтигэр сыһыаннаах саҥа бырайыагы бэлэмнээтэ диэн Ил Түмэн иһитиннэрэр. Мировой суукка…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…