Социальнай төлөбүрдэр кыраапыктара

Социальнай төлөбүрдэр хаһыс чыыһылаҕа түһэллэрий? Эрэгийиэннээҕи бүддьүөттэн үбүлэнэр, ый аайы кэлэр социальнай төлөбүрдэр ый 10-с чыыһылатыгар тус счетка түһэллэр. Өскөтүн төлөбүр түһэр күнэ өрөбүлгэ, эбэтэр, бырааһынньык күнүгэр түбэстэҕинэ, бу иннинээҕи үлэ күнүгэр төлөнүөхтээх.

Оттон федеральнай бүддьүөттэн үбүлэнэр уонна кыттыгас үбүлэнэр социальнай төлөбүрдэр ый 20-с чыыһылатыгар тус счетка түһэллэр. Өскөтүн төлөбүр түһэр күнэ өрөбүлгэ, эбэтэр, бырааһынньык күнүгэр түбэстэҕинэ, бу иннинээҕи үлэ күнүгэр төлөнүөхтээх.

Саҥа дьыллааҕы бырааһынньык уонна өрөбүл күннэрин учуоттаан, эрэгийиэннээҕи бүддьүөттэн бу сыл бастакы төлөбүрдэрэ тохсунньу 11 күнүгэр тус счеттарга ыытылыннылар.

Ханнык төлөбүрдэр баалларый?

Эрэгийиэннээҕи бүддьүөттэн (ый 10 чыыһылатыгар төлөнөр):

• 0-16 саастаах оҕоҕо ыйдааҕы босуобуйа;
• Үлэ, тыыл бэтэрээннэригэр, репрессия сиэртибэлэригэр, ЕДВ, ЖКУ төлөбүрдэрэ;
• “Полярная звезда” уордьанынан наҕараадаламмыттарга, СӨ Бочуоттаах олохтоохторугар ыйдааҕы төлөбүр;
• 1945 сыл балаҕан ыйын 3 күнүгэр диэри сокуоннай саастарын туола илик “сэрии оҕолоругар ЕДВ;
• Урукку персональнай биэнсийэлээхтэргэ, Чурапчы уонна Туой Хайа көһөрүллүүтүгэр түбэспит дьоҥҥо ЖКУ;
• Көрбөт инбэлииттэргэ биэнсийэлэригэр эбии төлөбүр, ЖКУ;
• Биэнсийэлээхтэргэ эбии социальнай төлөбүрдэр уонна босуобуйалар;
• Судаарыстыбаннай гражданскай сулууспаҕа үлэлээбит дьон биэнсийэлэрэ;
• Судаарыстыбаннай биэнсийэлээххэ ыйдааҕы социальнай төлөбүр.

Федеральнай бүддьүөттэн  (ый 20 чыыһылатыгар төлөнөр):

• Үһүс уонна онтон кэлэр оҕо төрөөтөҕүнэ (иитэ ыллахха) 3 сааһын туолуор диэри төлөнөр ыйдааҕы төлөбүр;
• 3-7 саастаах оҕоҕо ыйдааҕы төлөбүр;
• Биэнсийэҕэ эрэгийиэннээҕи эбии төлөбүр;
• Вакцина кэнниттэн доруобуйалара эмсэҕэлээбит дьоҥҥо;
• Федеральнай регистрга учуокка турар сорох гражданнарга хомунаалынай өҥөнү толуйуу (компенсация).