Соцситимнэргэ урбаанньыттарга судаарыстыбаттан өйөбүллэри оҥоруу туһунан кэпсиэхтэрэ

Урбааны сайыннарыы пуондатын генеральнай дириэктэрин корпоративнай боппуруостарга солбуйааччыта Андрей Миронов социальнай ситимнэргэ быһа эпииргэ тахсыаҕа.

СӨ Урбааны сайыннарыытын пуондатын генеральнай дириэктэрин корпоративнай боппуруостарга солбуйааччыта Андрей Миронов бүгүн, алтынньы 23 күнүгэр, СӨ Салайар киинин (ЦУР) кытта кыттыһан, СӨ Ил Дарханын уонна Бырабыыталыстыбатын дьаһалтатын «ВКонтакте» уонна «Одноклассники» соцситимнэргэ быһа эпиири ыытыаҕа.

Андрей Миронов урбаанньыттарга мэктиэлэммит өйөбүлү оҥоруу туһунан кэпсиэҕэ: ол иһигэр эрэгийиэннээҕи мэктиэлиир тэрилтэ, ол эбэтэр СӨ Урбааны сайыннарыытын пуондатын, үлэтин туһунан, ону таһынан «Срочнай» диэн саҥа  бородууксуйа усулуобуйаларын сиһилии быһаарыаҕа. Sakhagov аккауннарыгар быһа эпиир кэмигэр киирэр ыйытыыларга хоруйдуо.

Саҕаланар – 17:00 чааска. Эпиир сигэлэрэ:

ВКонтакте — https://vk.com/sakhagov?w=wall-187580720_70420

Одноклассники – https://ok.ru/group/56131284041904/topic/158640895897008