Монголия Дархан куоратыгар “Кыайыылаахтар параадтара” (“Парад победителей”) диэн моноиспэктээкиллэр аан дойдутааҕы бэстибээллэрэ буолан ааста.
Соҕотох артыыс тыйаатырын бэстибээлигэр Монголияттан, Эстонияттан, Мексикаттан, Монте-Негроттан, Испанияттан, Израильтан уонна Саха сириттэн аан дойдуга биллэр үрдүк идэтийбит таһымнаах драма артыыстара кытыннылар. Кыттааччылар толорууларын Нина Мазур бэрэссэдээтэллээх ЮНЕСКО иһинэн Норуоттар икки ардыларынааҕы театральнай искусство институтунан анаммыт биллиилээх театроведтартан турар дьүүллүүр сүбэ сыаналаата.
Бу улахан бэстибээл түһүлгэтигэр Саха тыйаатырыттан СӨ үтүөлээх артыыската Софья Баранова ситиһиилээхтик кыттан, “Бастыҥ артыыска” аатын ылары ситистэ.
“Өрөспүүбүлүкэм былааҕын өрө тутан аан дойду тыйаатырдарын түһүлгэтигэр тиийэн төрөөбүт төрүт тылбынан астына оонньоон, дойдум, тыйаатырым чиэһин көмүскээбиппинэн, саха буоларбынан өссө биирдэ киэн тутуннум. Аан дойдуга биллиилээх артыыстары кытта тэҥҥэ кыттан, чиэстээхтик киирсэн, доҕордоһон кэллим. Тас дойду дьоно биһиги өрөспүүбүлүкэбитин интэриэһиргииллэрэ, сахалары билэллэрэ истэргэ олус үчүгэй”, – диэн Софья Баранова санааатын үллэһиннэ.
Софья Иннокентьевна “Кыайыылаахтар парааттарыгар” иккис ыҥырыллыыта буолар, бу иннинэ 2018 сыллаахха Улан-Батор куоракка бэйэтин суруйуутугар “Алгыстаах этинии” диэн монодраматын толорбута. Бу сырыыга Чингиз Айтматов «Буурҕалаах тохтобул» («Буранный полустанок») арамаанынан Василий Борисов туруоруутугар «Моҥкуруут ийэтэ» моноиспэктээкилинэн кытынна. Чингиз Айтматов бу айымньытын Үлэ Албан Аата уордьан III истиэпэннээх лауреата, СӨ Үтүөлээх учуутала Трофим Кириллин тылбаастаабыта. Моноиспэктээкил худуоһунньугунан РФ уонна СӨ култууратын үтүөлээх диэйэтэлэ Лена Гоголева үлэлээбитэ.
Санатан суруйдахха, “Моҥкуруут ийэтэ” моноиспэктээкил Ньурба куоракка «САТА-2023» XII өрөспүүбүлүкэтээҕи театральнай бэстибээлгэ кыттан, дьүүллүүр сүбэҕэ үлэлээбит Арассыыйа биллиилээх театральнай диэйэтэллэрин уонна кириитиктэрин — Жанна Зарецкая, Глеб Ситковскай уонна Оксана Кушляева биһирэбиллэрин ылбыта, итиэннэ бэстибээл “Үһүйээн уонна дьиҥ олох алтыһыытын иһин” диэн бирииһинэн наҕараадаламмыта.
Саха тыйаатырын пресс-сулууспата.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…