Софья Попова: «Урбаанньыттар дойду баһылыгын Владимир Путины өйүүбүт»

Бу күннэргэ Саха сирин уопсастыбаннаһа Владимир Путин дойду баһылыгын быыбарыгар туруммутун өйүүрүн туһунан  санаатын этэр, үллэстэр.

«Чороон XXI үйэ» ХЭУо салайааччыта Софья Попова бу сыллар тухары урбаан салаата балысханнык сайдыбытын бэлиэтээтэ:

— Биһиги өрөспүүбүлүкэбитигэр саха төрүт үгэһин араас хайысханан олоххо киллэрэрбит хайҕаллаах суол. Мин урбаан салаата сайдыытын дойду салалтата улаханнык өйүүр буолбутун бэлиэтиибин. Билигин уустук балаһыанньаҕа дойдубут сайдыытын төрдүттэн көрөр уопуттаах лиидэр баар буолан эрэх-турах сананабыт. Араас омук дьоно бииргэ сомоҕолоһон, хас биирдии омук бэйэтин култууратын, духуобунаһын сайыннарарга дьулуһар. Ол иһин соторутааҕыта быһа эпииригэр дойду баһылыга Владимир Путин эрэгийиэннэргэ ураты бренд баар буолуохтаах диэн бэлиэтээбитэ.  «Чороон XXI үйэ» ХЭУо саха иһитин араас сиэдэрэй ойуулаан, биир бастыҥ бренд быһыытынан сайыннарда. Кэлиҥҥи кэмҥэ биһиги үлэбит хайысхата кэҥээн иһэр.

Биһиги, урбаанньыттар, дойду бэрэсидьиэнэ Владимир Путин урбаан салаатыгар национальнай бырайыактары көҕүлээбитин сайдыы суолун кытта ыкса сибээстиибит. Онон урбаанньыттар дойду баһылыгын Владимир Путины хайаан да өйүүбүт.