«Сокол» квадроцикллар үрдүк сыанабылы ылаллар

ДНӨ  үлэлиир Саха сирин тирэх пуунун бэрэстэбиитэллэрэ  соторутааҕыта Саха сирин салалтатын уонна олохтоохторун аатыттан байыаннай дьайыыга сылдьар биир дойдулаахтарбытыгар көмө тиэрдибиттэрэ.

«Өрөспүүбүлүкэбит тиэхиньикэнэн, сэбинэн-сэбиргэлинэн хааччыйарын салгыыр. Байыастарга Сахабыт сирэ оҥорон таһаарар бородуукта нобуордарын тиэртибит. Байыаннай сулууспалаахтарбыт өрөспүүбүлүкэ салалтатыгар уонна дьонугар-сэргэтигэр өйөбүллэрин иһин махталларын тиэрдэллэр», — диэн байыаннай дьайыы ыытылла турар сиригэр Саха сирин тирэх пуунун «Хан» диэн позывнойдаах  бэрэстэбиитэлэ иһитиннэрбит. Кини этэринэн, байыаннай сулууспалаахтар үрдүк сыанабылларын «Сокол» диэн Саха сиригэр оҥоһуллан тахсар квадроцикл ылар эбит. Бэлиэтээн эттэххэ, квадроцикллары ыһыах иннинэ Ил Дархан Айсен Николаев тиэрдибитэ.

 «Сокол» квадроцикл сыл саҕаланыаҕыттан байыаннай усулуобуйаҕа ситиһиилээхтик туһаныллар. Тиэхиньикэ уустуга суоҕунан, эрэллээҕинэн биллибит.