Хаартыска: Саргын Скрябин, СИА.
Муус устар 4 күнүгэр, уһулуччулаах судаарыстыбаннай диэйэтэл, Аҕа дойду Улуу сэриитин кыттыылааҕа Гавриил Иосифович Чиряев төрөөбүтэ 100 сыллаах күнүгэр “Сокровищница Якутии” быыстапкаҕа кини аатынан алмааһы сүрэхтээһин буолла.
Саха АССР талааннаах салайааччытын кэриэһигэр, 1995 сыллаахха тохсунньу 6 күнүгэр Удачнинскайдааҕы 12 нүөмэрдээх фабрика хостообут 68 карааттаах ювелирнай алмааска, “АЛРОСА” АХ 1995 сыл олунньу 9 күнүнээҕи бирикээһинэн Гавриил Чиряев аатын иҥэрбиттэрэ.
“Гавриил Иосифович Чиряев Саха сиригэр индустрияны сайыннарыы ирдэнэрин дакаастаабыта, дойду салалтатын итэҕэппитэ. Өйөбүл көрүллэн Саха сирин соҕурууҥҥу бырамыысыланнаһын сайдыыта өрө тахсыбыта, аҕыйах сыл иһигэр Нерюнгри куорат тутуллубута, Айхал, Удачнай бөһүөлэктэр тутуллан тахсыбыттара, өрөспүүбүлүкэҕэ гаастааһын саҕаламмыта, Тында-Беркакит-Угольнай тимир суол лииньийэтэ олоххо киирбитэ. Чопчу Гавриил Иосифович үлэлиир кэмигэр Саха сирин аныгы алмааһы хостуур бырамыысыланнаһын тирэҕэ ууруллубута” – диэн үп миниистирин эбээһинэһин толорооччу Иван Алексеев бэлиэтээтэ.
“Гавриил Чиряев” алмааһы быыстапкаҕа бу сыл муус устар 7-30 күннэригэр туруоруохтара.
Ил Дархан уонна Бырабыыталыстыба пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…